حه‌یده‌ر شه‌شۆ: زێده‌گاڤیێن په‌كه‌كێ ل شنگالێ زێده‌بووینه
ئاژانسا خانی: 
حەیدەر شەشۆ، فەرماندێ هێزێن ئێزدیخانێ ل شنگالێ تایبەت بۆ ئاژانسا خانی گۆت، هێزەکا مەزن یا سوپایێ عیراقێ ل سنوونێ، خانەسوور و سەنتەرێ قەزا شنگالێ ژ بەربوویەرێن ڤان چەند رۆژێن دەربازبووی هژمارەکا مەزن یا سەربازان هاتینه بەلاڤکرن.
حەیدەر شەشۆ راگه‌هاند، زێدەگاڤیێن پ.ک.ک ل شنگالێ زێدەبووینە و رۆژانە بەر ب زێدەتر دچن، پێدڤییە سوپایێ عیراقێ سنووره‌كى بۆ ڤان زێدەگاڤیان بدانیت.
فەرماندێ هێزێن ئێزدیخانێ دیارکر، د نوکە دا ژمارەکا ئێکجار مەزن یا سەربازێن عیراقێ ل شنگالێ نە و ئەڤرۆ ژی هێزەکا پشتەڤانیێ بۆ هێزێن عیراقى ژ کەسکێ هاتینە، لێ تا نوکە چ لڤین نەهاتینەکرن ژ لایێ وانڤە، چونکی ل هیڤیا بریاره‌كێنه ژ بەغدا.
بۆ دەما چەند رۆژانە ل سەر دانانا پەیکەرێ چەکدارەکێ پ.ک.ک بناڤێ زەردەشت کو پ.ک.ک ب ئێک ژ سەرکردێن خوە یێ هاتییە کۆشتن دهژمێریت و ئالوزی دناڤبەرا سوپایێ عیراقێ و چەکدارێن پ.ک.ک دروستکرینە، حەیدەر شەشۆ فەرماندێ هێزێن ئێزدیخانێ دیاركر، رەۆشا شنگالێ ئالۆزه و ئەو چ ژ چارەنڤیسێ وێ نزانن.
تُتاح هذه الصورة أيضا في: کوردی
