تۆرا لالش
ل رێکەفتی 23/10/2025 نڤیسینگەها لالش ئێسیا، ب ئامادەبوونا بەرێز (میر حاج) نوینەرێ دەستەیا پێکڤە ژیانێ ل شێخان و بەرێز (میران صباح )بەربرسێ بەشێ جەماوەری و کارگێرێن لیژنا ناوچا بەعەدرێ و ناڤەندا لاوان یا بەعەدرێ و کۆمەکا کەسایەتیێن جڤاکی و رەوشەنبیری و گەنج و ئافرەتان سمینارەک بۆ بەرێز (پرۆفیسۆر سەعید خديدة عەلو) ل ژێر ناڤونیشانێ ( هەلبژارتنێن ئەنجومەنێ نوینەرێن عراقێ) ل هۆلا نڤیسینگەها لالش ئێسیا هاتە ئەنجامدان.
ل دەستپێکێ بەرپرسێ نڤیسینگەها ئێسیا بەرێز ( لؤی فندی جیجو) ب خێرهاتا تەڤایا ئامادەبویان کر، هه‌روه‌سان وه‌ك ڕێزگرتن ل سه‌ر گيانێ پاكێ جانگۆريێن كوردستانێ سه‌روه‌رێ وان بارزانيێ نه‌مر و كاك ئه‌دريسێ جوانه مه‌رگ ئاماده‌بوويى خۆله‌كه‌كێ سه‌كنين.
پاشان سمینار ژ لایێ ( پ.د سەعید خديدة عەلو )ـڤە دەستپێکر، کو تێدا دا دیارکرن کا ئەڤ هەلبژارته‌ن گه‌له‌ك د گرنگن بۆ خەلکێ مە ب تیرۆتەسەلی باس لێ هاتە کرن، لداویێ ژی دەرگەهێ دانوستاندنێ هاتە ڤەکرن دناڤبەرا سمیناربێژی و ئامادەبوویان دا ب چەندین پرسیار و رۆنکرنان گەنگەشە ل سەر هاتە کرن و سیمناربێژی هه‌موو پرسیار به‌رسڤدان.
تُتاح هذه الصورة أيضا في: کوردی
