دێرەبون.. پێنجی ئافرەت فێری دروارێ و کەوافێریێ بوون.
تۆرا لالش
ل ئێڤارییا 16/6/2025ێ، د چارچۆڤێ بزاڤ و چالاکیێت نڤیسینگەها لالش یا رەوشەنبیری و کۆمەلایەتی ل دێرەبونێ، ب ئاماده‌بوونا په‌رله‌مانتارا په‌رله‌مانێ كوردستانێ د.هاڤین سەدیق سندی خۆلێن دروارێ و كه‌وافێریێ و كارێن ده‌ستی ل هۆلا لالش ل دێرەبونێ ب داوی هاتن.
ل ده‌ستپێكێ به‌رپرسی نڤیسینگه‌ها ناڤبری رێزان كه‌چه‌ل په‌یڤا ب خێرهاتنێ پێشكێشكر و دووڤدا ده‌قیقه‌یه‌كێ ل سه‌ر گیانێ پاكێ شه‌هیدان و سه‌روه‌رێ وان بارزانیێ نه‌مر و كاك ئه‌دریسێ هه‌رده‌م ساخ سه‌كنین.
پاشان په‌رله‌مانتارێ چەند پەیڤه‌ك ل دۆر رۆلێ ئافرەتێ دناڤ جڤاکی و پرۆسێسا ژیانێ دا پێشكێشكرن و ژ ئالیێ خۆڤه ژی به‌رپرسێ نڤیسینگه‌ها ناڤبری سوپاسیا رۆلێ په‌رله‌مانتارێ كر.
هه‌روه‌سان پشكداران كار و به‌رهه‌مێن خوه نیشان دا و دیاركرن مه گه‌له‌ك مفا ژ خۆلێن نڤیسینگه‌ها لالش وه‌رگرتن و سوپاسیا نڤیسینگه‌هێ كرن.
پاشان پشکداربوویێن خۆلێ ژلایێ نڤیسینگه‌ها لالش ل دێره‌بوونێ و د.هاڤین ب باوه‌رنامێن رێزلێنانێ هاتنه خه‌لاتكرن.
تُتاح هذه الصورة أيضا في: کوردی
