تۆرا لالش
د چارچۆڤێ پشكداریكرنێ د پانێله‌كا كۆربه‌ندێ ئاشتی و ئاسایشا رۆژهه‌لاتا ناڤه‌راست (مێپس2025) رێبه‌ر ئه‌حمه‌د وه‌زیرێ ناڤخۆ یێ هه‌رێما كوردستانێ ل زانینگه‌ها ئه‌مریكی ل دهۆكێ ڕاگه‌هاند: عیراقێ پێشكه‌فتی ترین ده‌ستوور یێ هه‌ی لێ ب مخابنی ڤه پشكه‌كه كێم هاتیه جێبه‌جێكرن و هه‌روه‌سان سوپاسیا ئه‌مریكا و هه‌ڤپه‌یمانێن وێ دكه‌ین بۆ هه‌رفاندنا رێژێما به‌عس.
گۆتژی: رۆژهه‌لاتا ناڤه‌راست د ماوێ 100 سالێن بۆری دا پر بوویه ژ كێشه و نه‌ئارامیێ و رێككه‌فتنا سایكس بیكۆ ئێكه ژ كێشه‌یێن هه‌ره سه‌ره‌كی ل ده‌ڤه‌رێ.
رێبه‌ر ئه‌حمه‌دی ئاشكه‌را كر: كه‌لتوورێ حوكمرانیێ ل عیراقێ هه‌ر درێژه پێده‌را كه‌لتوورێ به‌ری 2003ێ یه و عیراق خودانا پێشكه‌فتی ترین ده‌ستووره لێ پشكه‌كا كێم ژێ هاتیه جێبه‌جێكرن، هه‌روه‌سان ئه‌گه‌ر ل سه‌ر بنه‌مایێ رێككه‌فتنێن دیموكراسیێ كار نه‌ئێته كرن هه‌ڤسه‌نگی و هه‌ڤپشكی به‌رقرار نابن.
ئاشكه‌را ژی كر: ئه‌زموونا هه‌رێما كوردستانێ سه‌روكانیێن وێ ئاشتی و پێكڤه‌ژیانه، هه‌روه‌سان هه‌رێما كوردستانێ نموونه‌یا سه‌ركه‌فتی یا زێندی یا رۆژهه‌لاتا ناڤه‌راسته.
تُتاح هذه الصورة أيضا في: کوردی
