تۆرا لالش
ئيڕۆ سێ شەمبوويێ، 18ـی چريا دووێ 2025، ل شەشەمین کۆڕبەندێ ئاشتی و ئاسایيشا ڕۆژهەڵاتا ناڤەڕاست (MEPS) ل دهۆکێ، د. محەمەد حەسان، نوونەرێ تایبەتێ نەتەوەيێن ئێكگرتى بۆ عێراقێ، گۆتاره‌ك پێشکێشکر و تێدا به‌حس ل ڕه‌وشا ئێزديان كر.
حەسان دپشكه‌كا گۆتارا خۆ دا به‌حس ل ڕه‌وشا ئێزديان كر و بۆ سه‌ركرده‌يێن عێراقێ گۆت: ئه‌رێ يا لۆژيكى يه پشتى يازده ساڵان هێشتا ئاواره‌يێن شنگالێ ل كه‌مپاندا ماينه و بڤى شێوه‌ى بمينن، ب مخابنى ڤه هێشتا پتريا ئه‌وان دناڤ خيڤه‌تان دا ژيانا خۆ ده‌رباز دكه‌ن.
دووپاتكر، نوكه ده‌م هاتيه ڕێخۆشكرن بۆ ڤه‌گه‌ڕيانا ئاواره‌يێن شنگالێ هه‌بت و ڤه‌گه‌ڕنه سه‌ر جهـ و وارێن خۆ ڤه و داويێ ب ژيانا ئاواره‌يێ بينن.
ئيڕۆ سێ شەمبوويێ، 18ـی چريا دووێ 2025، دهۆکێ مێهڤانداریا شەشەمین کۆڕبەندی ئاشتی و ئاسایيشا ڕۆژهەڵاتا ناڤەڕاست (MEPS) کر، کو وەک پلاتفۆرمه‌كا گرنگ بۆ دانوستاندنێ ل سەر ئاينده‌يێ ده‌ڤه‌رێ خزمەتێ دکه‌ت.
تُتاح هذه الصورة أيضا في: کوردی
