مەسرور بارزانی، سه‌رۆكێ حكومه‌تا هه‌رێما كوردستانێ دووپاتكر، هنارتنا په‌تڕۆلا هەرێما کوردستانێ “دەستکەفته‌کێ مه‌زنه “و دبێژت “هیڤيدارم ئەڤ ڕێککەفتنە ببتە ئەگەرێ پێشڤەچوونا ژێرخانەیا ئابووری و د خزمەتا هەموو وەلاتیان دا بت.”
سپێده‌هيا ئيڕۆ شەمبوويێ، 27ـی ئەیلوولا 2025، ب ئاماده‌بوونا مەسرور بارزانی، سەرۆکێ حکومەتا هەرێما کوردستانێ، کۆنفرانسێ ئەکادیمیێ ساڵیادا “نیقییە” ل هه‌ولێرێ دەستپێکر.
سەرۆکێ حکومەتا هەرێما کوردستانێ، د گۆتاره‌كێ دا ڕاگەهاند، پشتى ڕاوه‌ستاندنه‌كا دوو تا سێ ساڵى، هنارتنا په‌تڕۆلا هەرێما کوردستانێ بۆ بازاڕێن ژ دەرڤە دەستپێکر و ته‌كه‌ز كر “ئەڤ ڕێککەفتنە ل گەڵ حکومەتا فیدڕاڵ دەستکەفته‌كێ مه‌زنه بۆ هەموو خەڵکێ عێراقێ، ب تایبەتی خەڵکێ هەرێما کوردستانێ.”
سەرۆکێ حکومەتێ هیڤى خواست، ئەڤ ڕێککەفتنە ببتە ئەگەرێ پێشڤەچوونا ژێرخانەیا ئابووری و د خزمەتا هەموو وەڵاتیان دا بت.
مەسرور بارزانی سوپاسى ل هه‌موو وان کەسایەتی و ئاليان کر کو ڕۆڵه‌كێ گرنگ د سەرخستنا ڤێ پڕۆسه‌يێ دا گێڕايى. ب تایبەتى، ویلایەتێن ئێکگرتیێن ئەمریکا، چ ل واشنتنێ، چ ب ڕێيا بالیۆزێ وی وەلاتی ل بەغدا و کۆنسولێ گشتی یێ وان ل هەولێرێ، كو پشته‌ڤانييه‌كا مه‌زن پێشكێشكرن بۆ گه‌هشتنا ڤان ئه‌نجامان.
تُتاح هذه الصورة أيضا في: کوردی
