شۆرەشا ١١ ێ ئیلۆنێ مەزنترین و بهێزترین شۆرەشا کوردانه
مووسا خالد
ل 11 ی ئێلولا ۱۹٦۱ شۆرەشەکا سەرتاسەری ل كوردستانێ ب پشكدارییا هەموو تەخ و چین و ئاین و پێکهاتان ڤە ب سەرکردایەتیا ژه‌نه‌رال مەلا مستەفا بارزانی دەست پێکر و شەڕ بۆ ب دەستڤەئینانا مافێ گەلێ كورد و كوردستانێ دکر.
پشتی سەرکەفتنا شۆرەشێ ل ۱۱ێ ئادارا ۱۹۷۰ رژێما بەعس نەچاربوو دان (اعترافێ) ب مافێن گەلێ کورد بکەت، دیسان بيرەوەريا شۆرەشا ( ۱۱ئیلۆنێ )ێ بەرهەمێ ئیرۆ خەباتا وان روژایە یا ئەم نۆکە تێدا دژین، سەر بەرزی و نەمرى بۆ شەهيدا، درۆژەکا وەکی ئیرۆدا سەرەرایی نەخۆشی و ئاوارەبوون و نەهامەتێن دژۆار کەفتینە بەرامبەر ئێرادا گەلێ کورد ب تایبەت پێشمەرگێن کوردان یێن وی سەردەمی بهێزو هەبوون و خەباتا دوور و درێژ ل ناڤ چیا و دۆل نەهال و شکەفتان ب زکەکێ برسی شورەش یا ئەنجام دایی و به‌رگری یا كری تا کو کوردستان گەهاندییە ڤێ رۆژا ئارام و ئاڤەدان.
. ب ئیرادەیا گەلێ کورد و ب رێبەرایەتیا بارزانیێ مەزن ژه‌نه‌رال (مستەفا بارزانی) مەزنترین وجەماوەرترین شورەشا نشتیمانی و نەتەوەیی د مێژوویا کوردستانێ دا هلکرو ئەڤ شورەشە ب دەستپێکا قونەغەکا نووی و گەش یاخەباتا گەلێ مە دهێتە هژمارتن هەر ژ باژێرێ زاخۆ بگرە تاکو خانەقینێ و شۆرەشا ئیلۆنێ ددەمەکێ کورت دا كاری خۆ ب چەسپینت دگەل هەموو کاودانان و رێزێن خۆە رێک بێخیت و هەموو پێکهاتێن کوردستانێ بێ فەرق و جوداهییان کۆم بکەت و هەمبێز بکەت و بەرگێرییێ ژ ماف و هەبوونا مللەتێ مە بکەت.
ل یادا شۆرەشا ئیلۆنا مەزن، رێزگرتن بۆ هەموو قارەمانێن کوردایەتی هه‌لبژارتی و بەرژەوەندیا کوردستانێ ل سەر بەرژەوەندیێن کەسی و حزبی ئێخستی و تاكه ڕێک بۆ ئێکگرتن و خۆشگوزه‌رانی و پێشكەفتنا کۆردان بەرامبەری حکۆمەتا عێراقێ هەر دوژمنەکێ دی بهێزبوونا هه‌رێما كوردستانێ یە، ئەو ژی ب لێكتێگه‌هشتن و ئاشتی و پێكڤە ژیانەکا دروست.
یا فەرە و پێدڤییه عێراق ده‌ستووری بكەته دیدەڤان سەر ڤێ چەندێ، ئه‌و عێراقا ل سالا ۲۰۰۳ رژێما بەعس تێدا هاتییه هه‌رفاندن و گەهاندیە بێ ئومێدیا ئیرۆ.
دیسان كارکرنا ب هه‌ڤپشكی یا لایەنێن کوردی ناڤ مالیا كوردستانێ ب هێز دكه‌ت.
فەرە ئه‌زموونێ ژ ڕابردوویی وەرگرن ئەڤا هاتیە سه‌لماندن، چونکە تاکە ڕێک بۆ بدەستڤەئینانا مافێن خه‌ڵكی كوردستانێ ئیراده و هه‌ڤگرتنه.
دووباره ئەڤ یادە پیرۆزبت و سلاڤ ل روحا بارزانیێ نه‌مر سەرکردەیێ كورد و شۆرەشا مه‌زن یا ئیلۆنێ و کاک ئیدریسێ هەمیشە زیندی و سڵاڤ ل رۆحا شەهیدێن شۆرەشا ئیلۆن و گشت شه‌هیدێن كوردستانێ.
تُتاح هذه الصورة أيضا في: کوردی
