May 26, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Hejmara welatiyên Tirkiyeyê yên ku berê xwe daye Almanyayê ji sedî 290 zêde bûye

Hejmara welatiyên Tirkiyeyê yên ku berê xwe daye Almanyayê ji sedî 290 zêde bûye

Hewlêr (Rûdaw) – Li gor amarên Daîreya Koç û Penaberiyê ya Almanyayê (BAMF) hejmara welatiyên Tirkiyeyê yên bi qaçaxî diçin Almanyayê zêde bûye.

BAMFê diyar kir ku di 8 mehên destpêkê de li gor heman mehên sala par ji sedî 290 zêdebûn heye û gihîştiye 29 hezar û 661 kesan.

Daîreya Koç û Penaberiyê ya Almanyayê (BAMF) amarên penaberan ên îsal eşkere kirin.

Li gor amarên fermî piştî welatiyên Sûriyeyê herî zêde welatiyên Tirkiyeyê bi qaçaxî diçin Almanyayê.

Di mehekê de 5 hezar û 544 kes bi qaçaxî çûne Almanyayê

Di meha Tebaxê de 9 hezar û 186 welatiyên Sûriyeyê, 5 hezar û 544 welatiyên Tirkiyeyê û 4 hezar û 217 welatiyên Efxanistanê bi qaçaxî çûne Almanyayê.

Di 8 mehên destpêkê de 29 hezar û 661 welatiyên Tirkiyeyê bi qaçaxî çûne Almanyayê.

Hejmara welatiyên Tirkiyeyê yên ku bi qaçaxî çûne Almanyayê di 8 mehên destpêkê de li gor heman mehên sala par ji sedî 290 zêde bûye û gihîştiye 29 hezar û 661 kesan.

Di 8 mehên sala 2022yan de 10 hezar û 260 welatiyên Tirkiyeyê bi qaçaxî çûbûn Almanyayê.

Piraniya kesên ku diçin Almanyayê di navbera 20-35 salî de ne.

Amarên ku hatine eşkerekirin kesên ku nehatine girtin û navên xwe tomar nekirine li xwe nagire.

Ji ber hebûna kesên ku navên xwe tomar nekirine jî tê pêşbînîkirin ku hejmar ji ya fermî zêdetir be.

Di 8 mehan de bi tevahî 204 hezar kes bi qaçaxî çûne Almanyayê û hejmara welatiyên Tirkiyeyê yên ku diçin Almanyayê ji welatiyên Îraq, Îran, Efxanistan û Somalî zêdetir e.

 

CH

تُتاح هذه الصورة أيضا في: Kurdî

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi