Parîs- Kesekî êrîşî Navenda Çanda Kurd a Ahmet Kaya kir

BasNews– Li Parîsê li dijî Navenda Çanda Kurd a Ahmet Kaya êrîşa çekdarî pêk hat. Hat ragihandin ku di êrîşê de 3 kesan canê xwe ji dest dane û 4 kes birîndar bûne, rewşa 4 kes jî birîndar bûne.

Îro Înê li Parîsê dijî Navenda Çanda Kurd a Ahmet Kaya êrîşa çekdarî pêk hat û li gorî zanyariyên destpêkê di êrîşê de 3 kesan canê xwe ji dest dane û 4 kes birîndar bûne, rewşa 2 birîndaran giran e.

Herwiha Ajansa fermî ya Fransayê AFPê jî ragihand ku di êrîşê de 3 kes hatine kuştin û 4 kes jî birîndar bûne.

Li gorî polîsê Parîsê piştî erîşa li ser Navenda Çanda Kurd a Ahmet Kaya ya li Parîsê, zilamekî ku tê texmînkirin temenê wî 69 salî ye, ji aliyê polîsan ve tevî çeka xwe hatiye desteserkirin û daxwaz ji welatiyan tê kirin ku xwe ji cihê bûyerê dûr bixin.

Niştecihê taxê Emmanuel Boujenan got ku êrîşkar di kuaforê de hatiye girtin.