July 20, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Pirtûka ‘Nexşerêya Aştiyê’ ya li ser nêrînên Nêçîrvan Barzanî derket

Pirtûka ‘Nexşerêya Aştiyê’ ya li ser nêrînên Nêçîrvan Barzanî derket

Hewlêr (Rûdaw) – Pirtûka “Nexşerêya Aştiyê, Nêrînên Rexneyî yên li ser Axaftinên Serok Nêçîrvan Barzanî” ku Cewad Qadir amade kiriye derket.

Pirtûka “Nexşerêya Aştiyê, Nêrînên Rexneyî yên li ser Axaftinên Serok Nêçîrvan Barzanî” behsa nêrîn û stratejiya Nêçîrvan Barzanî ya ji bo aramî û pêkvejiyana li Herêma Kurdistan Îraqê dike.

Li Hotel Rotanayê ya Hewlêr bernameya danasîna pirtûkê hat lidarxistin.

Pirtûk bi Îngilîzî hatiye nivîsandin û navê wê yê orîjînial “The Roadmap To Peace, Critical Perspectivies on the Speches of President Nechirvan Barzani” ye.

Di pirtûkê de analîzên 12 lêkolerên pispor ên Pirsa Kurd û Îraqê yên li ser nêrînên Nêçîrvan Barzanî yên derbarê aştî û çareseriyê de cih digirin.

Nexşerêya Aştiyê

Di bernameyê de nivîskar Cewad Qadir behsa naveroka pirtûkê û pêvajoya amadekirinê kir.

Cewad Qadir diyar kir ku pirtûk projeya akademîsyenên navxwe û biyanî ye ku li ser qeyranên Îraq û herêmê dinivsin.

Qadir destnîşan kir ku pirtûk li ser nêrînên Nêçîrvan Barzanî yên derbarê nexşerêya aştî û aramiya Îraq û Herêma Kurdistanê ye.

Qadir da zanîn ku hemû nivîskarên ku nêrînên wan di pirtûkê de cih girtine, li navendên zanistî û akademîk ên li derveyî welat bi salan e jiyana xwe ji bo lêkolîna doza Kurdî terxan kiriye.

Cewad Qadir herwiha anî ziman:

“Xala hevpar a van nivîskaran a di pirtûka Nexşerêya Aştiyê de ew e ku rasterast piştgiriya nêrînên Serokê Herêma Kurdistanê yên li ser pirsa aramî û aştiyê ya Îraq û Herêma Kurdistanê dikin.”

Cewad Qadir bal kişand ser wê yekê ku pirtûk di demeke ku Îraq û Herêma Kurdistanê di warê enerjî, dahat û mafên destûrî de rûbirûyî qeyraneke nû bûne de hatiye amadekirin.

Qadir diyar kir ku pêşbînî û dilgiraniyên Nêçîrvan Barzanî yên li ser krîzên ku bandorê li her du aliyan dikin jî di pirtûkê de cih digirin.

 

CH

تُتاح هذه الصورة أيضا في: Kurdî

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi