July 15, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Iraq alîkariya darayî dide jinên rizgarbûyî yên Kurdên Êzidî

Iraq alîkariya darayî dide jinên rizgarbûyî yên Kurdên Êzidî

Hewlêr (Rûdaw) Wezareta Koç û Koçberan a Iraqê alîkariya darayî pêşkêşî wan jinên Kurdên Êzidî dike ku ji destê rêxistina DAIŞê hatine rizgarkirin.

Wezîrê Koç û Koçberan ê Iraqê, Nofil Mûsa îro di konferanseke rojnamevanî de li Bexdayê ragihand, wezareta wan weke alîkariya darayî, dê 2 milyon dînarê Iraqî bide her jineke Kurda Êzidî ku ji destê çekdarên DAIŞê hatiye rizgarkirin.

Nofil Mûsa got: “Êzidî xelkên resen ên wî welatî ne û bi hezaran salan di avakirina şaristaniya wî welatî de beşdar û alîkar bûne. Niha jî ew sembola aştî, tifaq, hezkirin û pêkvejiyanê li gel hemû pêkhateyên din ên Iraqê ne.”

Wezîrê Koç û Koçberan ê Iraqê da xuyakirin: “Wezareta Koç û Koçberan bi 2 milyon dînarî alîkariya jinên Êzid yên rizgarbûyî dike. Di destpêkê de jî dê ew alîkarî ji bo 100 jinên rizgabûyî be.”

Nofil Mûsa destnîşan kir, “Wezareta Koç û Koçberan bi tevahî piştgiriya daxwazên yasayî yên Êzidiyan bi taybet di warê dabînkirina mafên wan ên ayînî û jiyanê de dike.”

Related posts

Leave a Reply

Your email address will not be published. Required fields are marked *

Copyright © 2018 by Lalish Media Network .   Developed by Ayman Qaidi.