April 25, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Barzanî: Kurdistan dê weke navenda pêkvejiyana hemû netew û olan bimîne

Barzanî: Kurdistan dê weke navenda pêkvejiyana hemû netew û olan bimîne

Hewlêr (Rûdaw) Di roja cîhanî ya Lêborînê de, Serok Barzanî peyamek belav kir û ragihand, Herêma Kurdistanê dê herdem weke navenda pêkvejiyana tevahiya netew û ol û mezheban bimîne.

Di peyama xwe de, Serok Barzanî dibêje: “Lêborîn û aştî û pêkvejiyan, kultura bi hezaran sal a gelê Kurdistanê ye, gelek hewl  ji bo jinavbirina vî nirxê bilind hatine dan, lê belê di ti rewşekê de guhertin bi ser de nayê.”

Naveroka peyama serok Barzanî wiha ye:

“Lêborîn, hevqebulkirin û pesendkirina cudahiyane, ji pîvanên nasîna gel û welatên pêşketî ne, di çarçoveya pirensîpên sereke yên rihê demokrasiyê de ye jî. Sedema sereke ya serkevtin û pêşketina Herêma Kurdistanê jî, vedigere bo rihê pêkvejiyan û lêbûrînê, ku sîmayeke xweşik û şaristanî daye Kurdistanê û ev yek li navçeyê mînaka vê kêm e.

Lêborîn, aştî û pêkvejiyan, ferhenga bi hezaran sale ya gelê Kurdistanê ye, gelek hewl hatin dan, daku vî nirxê bilind jinav bibin, lê di her rewşekê de jî guhertin bi ser de nehat û Herêma Kurdistanê herdem dê weke navenda pêkvejiyana tevahiya netew û ol û mezheban bimîne.

Hemû ol û bihayên bilind ên mirovatiyê, tekeziyê li ser bihêzkirin û kûrkirina tifaq, pêkvejiyan û lêborînê dikin, lewra divê dezgehên me yên perwerdehî û çandê giringiyeke bêtir bidin vî warî û bi awayekî berfireh handanê li ser vê çandê bikin.”

Related posts

Leave a Reply

Your email address will not be published. Required fields are marked *

Copyright © 2018 by Lalish Media Network .   Developed by Ayman Qaidi.