March 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Serok Barzanî li gel Serkirdatiya Yekîtiya Xwendekarên Demokrat ên Kurdistanê û Yekîtiya Ciwanên Demokrat ên Kurdistanê civiya

Serok Barzanî li gel Serkirdatiya Yekîtiya Xwendekarên Demokrat ên Kurdistanê û Yekîtiya Ciwanên Demokrat ên Kurdistanê civiya

BasNews – Îro çarşem 15ê Sibatê li Selahedîn Serok Mesûd Barzanî pêşwaziya Serkirdatiya Yekîtiya Xwendekarên Demokrat a Kurdistanê û Yekîtiya Ciwanên Demokrat ên Kurdistanê kir.

Di destpêka civînê de bi kurtî behsa kar û çalakî û amadekariyên kongreya her du rêxistinan hate kirin.

Paşê Serok Barzanî gotarek pêşkêşî amadebûyan kir.

Serok Barzanî di destpêka axaftina xwe de bi helkefta nêzîkbûna 18ê Sibatê û 70 saliya damezrandina her du rêxistinên Yekîtiya Xwendekaran û Yekîtiya Ciwanên Demokrat ên Kurdistanê pîrozbahî li ciwan û xwendekaran kir û hêviya berdewamî û serkeftinê ji bo wan xwest. Her wiha bal kişand ser girîngiya rola xwendekar û ciwanan di perwerdekirina kadroyan de ji bo berdewamkirina têkoşîna siyasî û hizbî û bang li her du rêxistinan kir ku kongreyên xwe bi plansaziyeke zelal ji bo paşerojê û bi ruhê dostanî û niştimanperweriyê li dar bixin.

Serok Barzanî di beşeke din ji axaftinên xwe de amaje bi pêşniyar û encamên kongreya 14 a PDK kir û balkişand li ser wê yekê ku divê PDK vegere ser armanc û prensîbên ku ji bo wan hatiye damezrandin.

Serok Barzanî amaje bi wê yekê jî kir ku, çaksazî û guhertinên di nava PDKê de ji bo bihêzkirina nirx, pirensîp û armancên bilind dê berdewam bin.

Li beşekî din ê hevdîtinê de Serok Barzanî hevxemiya xwe jî ji bo qurbaniyên erdheja heftiya borî ya li Bakur û Rojavayê Kurdistanê, Tirkiye û Sûriyê nîşan da û alîkarî û bersiva Hikûmeta Herêma Kurdistanê, Dezgeha Xêrxwazî ya Barzanî û gelê Kurd bilind nirxand.

Rewşa siyasî ya Iraqê û rewşa navxwe ya Herêma Kurdistanê mijarên din ên axaftina Serok Barzanî bûn.

SA

تُتاح هذه الصورة أيضا في: Kurdî

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi