March 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Hakim Rizgar Mihemed Emîn: Dadgeha Federal a Iraqê di bingeh de nedestûrî ye

Hakim Rizgar Mihemed Emîn: Dadgeha Federal a Iraqê di bingeh de nedestûrî ye

BasNews – Endamê berê yê Dadgeha Dûvçûn a Herêma Kurdistanê aşkera kir, Dadgeha Federal a Iraqê di bingeh de yasaya wê nedestûrî ye û pêkhateya dadgehê wek madeya 92 beşa 2 ya destûrê nîne.

Endamê berê yê Dadgeha dûvçûn a Herêma Kurdistanê Dadwer Rizgar Mihemed Emîn derbarê biryara Dadgeha Federal a dijî mafên darayî yên Gelê Kurdistanê ji Dengê Amerîka re ragehand: ‘’Di bingeh de yasaya dadgehê yasayekî nedestûrî ye, ji ber li gor madeya 92 beşa 2 ya destûra Iraqê dadgeh pêknehatiye, ku pêwîste şaraza li fiqhê îslamî û yasanas li yasa û dadwerî têde hebin. Lê ya naha heye kar pê tê kirin bêguman ew yasaya destûrî nîne desthilat û pêkhateya wek destûrê nîne. Pêkhateya dadgehê wek madeya 92 beşa 2 ya destûrê pêknehatiye.’’

Herwaha got: ‘’Bêbeş kirina hin xelkê li Herêma Kurdistanê yan jî her cîhekî din ê Iraqê ku bên bêbeş kirin ji budceya Iraqê nedestûrî ye û li gel mafê mirov jî guncaw nabe û karekî nemirovî ye.’’

Çarşema borî Dadgeha Federal a Iraqê biryar da ku hemû biryarên encûmena wezîrên Iraqê yên ji bo şandina pare ji Herêma Kurdistanê hilweşand.

00S.A

تُتاح هذه الصورة أيضا في: Kurdî

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi