March 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Amerîka amadekariya sizadana Belarusê dike

Amerîka amadekariya sizadana Belarusê dike

Hewlêr (Rûdaw) Ji ber krîza koçberan a li ser sînorê Polandê, Amerîka biryar daye Belarusê ceza bike. Sedema cezayan jî helwesta hikûmeta Belarus a nemirovî ye.

Bi sedema krîza koçberan a li ser sînorê Belarus-Polandê, givaşên navdewletî li ser hikûemta Belarusê zêde dibin. Mînsk bi wê yekê tê tometbarkirin ku bi zanebûn koçberan li ser sînorê Polandê kom dike.

Berdevkê Wezareta Derve a Amerîkayê Ned Price ragihandiye, ji ber helwesta nemirovî ya hikûmeta Belarusê ew bi hemahengî li gel Yekîtiya Ewropayê û hevpeymanên din, amadekariya danîna dorpêçan û sepandina sizayan li ser Belarusê dikin.

Price gotiye, divê rêveberiya di bin serokatiya Alexander Lukaşenko de, berpirsyariya êrîşên li hemberî demokrasî, mafên mirov û prensîbên navdewletî hilgire.

Bi hezaran koçberên ku ji Afrîka û Rojhilata Navîn derketine, ji bo derbasî welatên YE bibin, ew çend heftî ne ku li ser sînorê Belarus û Polandê kom bûne û heta niha 8 koçberan canê xwe ji dest dane û ji ber daketina pileyên germayê tirs heye ku karesateke mirovî çêbibe.

Hikûmeta Belarus li devera sînorî rewşa awarte ragihandiye û nahêle rêxistinên mirovî û rojnamevan jî nêzîkî wir bibin.

تُتاح هذه الصورة أيضا في: Kurdî

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi