Serokê Herêma Kurdistanê Mesûd Barzanî û Serokwezîrê Tirkiyê Bînalî Yildirim civiyan.
Çavkanî : Rudaw
Li gorî zanyariyên Rûdawê, berî çend xûlekan civîna navbera Serok Barzanî û Serokwezîrê Tirkiyê Bînalî Yildirim li bajarê Enqerê dest pê kir.
Li Koşka Çankaya, Serokwezîrê Tirkiyê Bînalî Yildirim bi Ala Kurdistanê pêşwazî li Serokê Herêma Kurdistanê Mesûd Barzanî hat kirin.
Ev cara duyemîn e ku li Tirkiyê di pêşwazîkirina Barzanî de Ala Kurdistanê tê danîn.
Cara yekem di serdema Serokwezîrtiya Ahmet davutoglu de Ala Kurdistanê di merasîma pêşwazîkirina Barzanî de hatibû danîn.
Peyamnêrê Rûdawê li Enqerê Şewket Herkî raginand, piştî civîna li gel Serokomarê Tirkiyê Recep Tayyip Erdogan, kêmek berî niha Serok Barzanî û şanda Herêma Kurdistanê gihîştin Koşka Çankaya.
Şewket Herkî got, Serokwezîrê Tirkiyê Bînalî Yildirim pêşwazî li Serokê Herêma Kurdistanê Mesûd Barzanî kir.
Peyamnêrê me herwiha got, biryar nîne ku piştî hevdîtinê konfransa rojnamevaniyê birêve biçe.
Civîna bi Yildirim re dawî bernameya îro ya Serok Barzanî û şanda Herêma Kurdistanê li Tirkiyê ye.
Biryar e Barzanî sibê serdana Parlamentoya Tirkiyê bike.
Peyamnêrê Rûdawê herwiha amaje bi wê yekê jî kir, ku her çend heta niha nehatiye piştrastkirin, lê belê renge Barzanî bi şandeke Partiya Demokratîk a Gelan (HDP) re jî bicive û li gor pêşbîniyan mijara sereke ya civînê jî dê pêvajoya aştiyê be.
تُتاح هذه الصورة أيضا في: Kurdî
