December 10, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Serok Barzanî: Destûra Iraqê bihata bicihkirin gelek pirsgirêk dernediketin

Serok Barzanî: Destûra Iraqê bihata bicihkirin gelek pirsgirêk dernediketin

Hewlêr (Rûdaw) – Serok Mesşd Barzanî ragihand ku eger destûra niha ya Iraqê wekî xwe bihata bicihkirin, zêdetirê pirsgirêkan dernediketin û mafên hemwelatiyan dihate parastin, lê belê li encama piştgûhxistina destûr û hewldana ji bo yekdestî û xwesepandinê Iraq gihîştiye vê rewşê û çareserkirina wê jî pêwîstî bi nehiştina sedeman heye.

Serok Mesûd Barzanî îro Duşemê (04.11.2019) li navçeya Selahedîn a Hewlêrê pêşwazî li şandeyeke Rafîdeynê û hejmarek kesayetên akademîsyen kir û rewşa Iraqê û guhartinên nû yên herêmê gotûbêj kirin.

Li gor daxuyaniya Baregeha Barzanî di civînê de ku bi mebesta raguhertina di derbarê xwepêşandanên hemwelatiyan û rewşa siyasiya Iraqê û paşaroja proseya siyasî hatibû sazkirin, di destpêkê de şanda mêvan plana Navenda Diyaloga Rafîdeyn a ji bo lêkolîna rewşa niha û pêşniyarên ji bo gavên pêwîst ên çareseriyê, ji bo Serok Barzanî şîrove kirin û paşê jî daxwaz ji Barzanî kirin ku ji rewşê bibe alîkar.

Barzanî diyar kir ku mafê xelkê ye ku daxwaza jiyanake bextewar bikin bike û ev rewşa bûye sedema nerazîbûna xelkê siyaseta şaş a salên derbasbûyî ye û nabe berpirsiyariya wê bi tenê bixin stûyê Serokwezîr û kabîna niha û got: “Nabe ew kesên ku ew bi xwe bûne sedema kêmasî û şikestên salên derbasbûyî, niha sûwarê lehiya nerazîbûna xelkê bin.”

Serok Barzanî her wiha balkişand li ser dîroka gelê Kurdistanê ya li gel dewleta Iraqê û êş û qurbanîdana Kurdistanê û zelal kir ku dewleta Iraqê li ser bingeha hevbeşî û şeraketiya Kurd û Ereb û berçavgirtina mafên pêkhatên din hate damezrandin, lê belê beşa gelê Kurdistanê ji wê hevbeşiyê wêrankirina 4500 gundan û 182 hezar kesên enfalkirî û bêserûşûnbûna 12 hezar kesên Feylî û 8 hezar Barzanî û kîmyabarankirina Kurdistanê bû.

Di Daxuyaniya de hate gotin: “Bi navê vekirina rûpeleke nû li gel dewleta Iraqê gelê Kurdistanê destên xwe ji bo tolhildanê nebir, bi berevajiyê wê yekê, serkirdayetiya siyasiya Kurdistanê bi nav nivîsîna destûrekî hemdem û pêkanîna Iraqekî demokrat û federal ku têda mafên hemû aliyek parastî û cîgîr bê, hewleke zêde da. Lê mixabin bi sedema baladestiya çanda gef û bi pêvek dîtina Kurd û binpêkirina hevbeşiyê, ketin dijayetiya gelê me û destûr hate binpêkirin û kar gihîşte tolhildanê û kûrtirbûna nijadî û dorpêçkirina Pêşmerge û birîna bûdce û plangêrana ji bo ji navbirina Herêma Kurdistanê.”

Serok Barzanî herwiha ragihand ku eger destûra niha ya Iraqê wekî xwe bihata bi cîhkirin, zêdetirê kêşeyan rû nedidan û mafên hemwelatiyan dihate parastin, lê belê li encama piştgûhxistina destûr û hewldana ji bo yekdestî û xwesepandina Iraq gihîştiye vê rewşê û çareserkirina wê jî pêwîstî bi nehiştina bandpran heye.

Herwiha Barzanî zelal kir ku gotûbêj di navbera Hewlêr û Bexda yên ji bo çareserkirina pirsgirêkan  berdewam in.

Barzanî bi eşkere jî bi şanda mîhvan ragihand ku ew daxwaziyên bi navê xwepêşanderan ji bo guherîna sîstema desthilatdariyê û destkarîkirina destûrê dixine rû, heta wê radeyê rewa û qebulkirîne ku dijî mafên destûrî û şeriyên gelê Kurdistanê nebin û bingehên demokrasiyê, pêkvejiyana hemû pêkhatan biparêzê.

Serok Barzanî herwiha pêşwaziyê li armancên navenda diyalog û raguherînê û pêşniyarkirina çareseriya guncav ji bo kêşeyan kir.

Related posts

Leave a Reply

Your email address will not be published. Required fields are marked *

Copyright © 2018 by Lalish Media Network .   Developed by Ayman Qaidi.