September 23, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Barzanî: Me bi merdayetî tola xwe hilda

Barzanî: Me bi merdayetî tola xwe hilda

Çavkanî : RÛDAW

 

Serokê Herêma Kurdistanê Mesûd Barzanî îro li Duhokê di merasîma duyemîn salvegera bîranîna Karesata Şingalê de axivî û ragihand: “Me bi merdayetî tola xwe hil da.”

Îro li bajarê Duhokê merasîmek taybet bo bîranîna karesata Şingalê hat lidarxistin û Serokê Herêma Kurdistanê Mesûd Barzanî û gelek berpirsên hikûmetê û partiyên siyasî, rayedarên welatên biyanî û rêxistinên civaka sivîl tê de amade bûn.

Serokê Herêma Kurdistanê di vê merasîmê de gotarek pêşkêş kir. Barzanî amaje bi êrişa DAIŞê di sala 2014ê de kir û got, ku dema êrişa DAIŞê demek gelek nexweş û tal bû û ew ti wextî wan demên nexweş ji bîr nake.

Mesûd Barzanî da xuyakirin, ku ew dê li ser şerê li dijî DAIŞê berdewam bin û tekez kir, her kesê ku alîkarî yan çavsaxî ji DAIŞê re kiribe, dê çarenivîsa DAIŞê li benda wan jî be.

Barzanî bi gotina wê yekê ku roja êrişa DAIŞê bo ser Şingalê rojeke glek tal û nexweş bû, ragihand ku ew wê rojê ti caran ji bîr nake.

Barzanî herwiha da zanîn, ku hin aliyan dixwast bi karesata Şingalê bilîzin û wê karesata xirab a ku bi serê gelê Kurd de hatibû bi awayekê xirab bi kar bînin, lê belê Hêzên Pêşmerge rê li wan girtin û ew niyet pûç kirin.

Serokê Herêma Kurdistanê herwiha destnîşan kir, Hêzên Pêşmerge bi şanazî ve karîn navçeya Şingalê rizgar bikin û 7000 kîlometre erdê derdora Şingalê ji destê DAIŞê derxînin.

Mesûd Barzanî di gotara xwe de cardin tekezî li ser rizgarkirina hemû axa Kurdistanê kir û ragihand: “Soz didim ku yek bihost axa Kurdistanê di destê DAIŞê de nemîne.”

Related posts

Leave a Reply

Your email address will not be published. Required fields are marked *

Copyright © 2018 by Lalish Media Network .   Developed by Ayman Qaidi.