January 28, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Serok Barzanî di serê sala nû de tekezî li peyama aştîxwazane û çanda pêkvejiyanê dike

Serok Barzanî di serê sala nû de tekezî li peyama aştîxwazane û çanda pêkvejiyanê dike

BasNews- Serok Mesûd Barzanî bi boneya hatina serê sala nû ya zayinî peyamek belav kir û tê de tekezî li peyama aştîxwazane û çanda pêkvejiyana gelê Kurdistanê kir.

Serok Barzanî di peyama xwe de diyar kir, ew hêva heye ku di qonaxa paşerojê de pêgavên hikûmet û proseya siyasî ya Iraqê di çarçoveya destûr de û bi arasteya berjewendiyên gelên Iraq û her wiha berçavgirtina prensîpên hevbeş û hevsengî û lihevkirinan de be.

Peyama Serok Barzanî ya ji bo serê sala nû ya zayînî:

Bi navê Xwedayê mezin û dilovan

Bi helkefta serê sala nû ya zayînî, germtirîn pîrozbahiyê li welatiyên xweşdivî yên Kurdistanê dikim. Pîrozbahiyê li malbatên serbilind ên şehîdan û Pêşmergeyên qehreman dikim û hêviya xêr û xweşiyê ji bo hemû aliyan dixwazim.

Evê helkeftê bi derfet dizanim ku tekezî li peyama aştîxwazane û çanda pêkvejiyana gelê Kurdistanê bikim. Gelê Kurdistanê herdem bawerî bi aştî û birayetiyê hebûye û xwazyarê eweye kêşe û giriftan bi rêya diyalog û bi zimanê hevdutêgihiştin û dûrketina ji hêrs û înkariyê bêne çareserkirin.

Di derbarê proseya siyasî ya Iraqê jî em bawer in niha derfeteke nû ji bo çareserkirina kêşeyên di navbera Herêma Kurdistan û Hikûmeta Federaliya Iraqê de peyda bûye û bi hemû şiyanek ve piştgîriyê li bicîhkirina wan rêkeftinan dikin ku li navbera aliyên siyasiyên Iraq û her wiha di navbera Hikûmeta Herêmê û Hikûmeta Federaliya Iraqê de hatine bestin.

Ew çaverêyî heye ku di qonaxa paşerojê de pêgavên hikûmet û proseya siyasî ya Iraqê di çarçoveya destûr de û bi arasteya berjewendiyên gelên Iraq û her wiha berçavgirtina prensîpên hevbeş û hevsengî û lihevkirinan de be.

Di dawiyê de hêviya ewe dixwazim sala nû, sala xweşî û bexteweriyê bê ji bo hemû welatiyên Kurdistan û Iraqê û aştî û tebayî ji bo navçeya me û hemû mirovayetiyê pêk bê.

Mesûd Barzanî

31.12.2022

CH

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi