Parêzgerê nû yê Duhokê dest bi kar bû

BasNews – Îro 02.07.2020ê parêzgerê Duhokê yê nû bi amadebûna wezîrê navxwe yê herêma Kurdistanê ve erk ji parêzgerê berê dewir wergirt û dest bi kar bû.

Parêzgerê nû yê Duhokê Dr. Elî Teter ragehand, bê cudayî û li gor zagonan ez dê kar bikim û daxwazê ji xelkê Duhokê dikim alîkarbin li gel me, ku em wek yek tîm û bi wijdaneke aram xizmeta xelkê xwe bikin. Ez piştrastim ew rêbaza em li ser perwerde bûne dê xebatê bikin di çarçoveya zagonan de kar bikim û dadperwerane û bê cudayî ez dê karê xwe birêve bibim. Ez spasiya rêveberiya PDKê dikim ew erk bi min spartin û dê li gor wê xizmetê bikim û bê cudayî dê kar encam bidim.’’

Dr. Elî Teter destxweşî li parêzgerê berê Ferhad Emîn Etruşî kir û got: ‘’Parêzger xizmet bo Duhokê kiriye û em jî dê berdewama wê xizmetê bikin û wek tîmek li gel hemû saziyên Duhokê em dê kar bikin û spasiya hemûyan em dikin ku di her xizmetekî de zehmetî kêşabe. Di çarçoveya zagonê de emê bi hev re kar bikin û tişta em bikaribin emê bo parêzgeha Duhokê bikin.’’