March 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Serokwezîr Barzanî serperiştiya civîna komîteya amadekirina projeyasaya çaksaziyê dike

Serokwezîr Barzanî serperiştiya civîna komîteya amadekirina projeyasaya çaksaziyê dike

BasNews Serokwezîrê Herêma Kurdistanê Mesrûr Barzanî îro yekşemê 03-11-2019an serperiştiya civîna komîta amadekirina projeyasaya çaksaziyê kir.

Di civînê de ku Cîgirê Serokwezîr Qubad Talebanî amade bû, guftûgo derbarê rehendên giştî yên wê yasayê û taybetmendiyên wê yên yasayî û îdarî hatin kirin.

Tekezî li wê hate kirin, pêwîst e bilez projeyasaya çaksaziyê bê amadekirin, wek yek ji karên pêşîne yên karnameya Kabîneya Nehem a Hikûmeta Herêma Kurdistanê û ji bo pesendkirinê jî bo Parlemana Kurdistanê bê şandin.

Serokwezîrê Herêma Kurdistanê Barzanî tekez kir, çaksazî proseyeke gelekî girîng e û pêwîst e di zûtirîn dem de ew proje bê amadekirin û arasteyî Parlemana Kurdistanê bibe. Got jî: Divê dadperwerî tê de hebe û nabe ti kesekî xwedî maf jê bêpar bimîne, lê di heman demê de jî rê ji bo karên neyasayî û nerewa nayê dayîn.

Komîta amadekirina projeyasaya çaksaziyê wek beşeke girîng a hêlên giştî yên karnameya Kabîneya Nehem, bi biryara Encûmena Wezîran û bi serokatiya Wezîrê Dadê pêk hatiye.

تُتاح هذه الصورة أيضا في: Kurdî

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi