Barzanî peyamek li ser teqînên Qamişlo belav kir û ferman da dezgehên Kurdistanê
Serokê Herêma Kurdistanê Mesûd Barzanî êrişa bajarê Qamişlo yê Kurdistana Rojava bi tundî şermezar kir û hevxemiya xwe ji bo mexdûrên êrişê anî ziman.
Îro danê sibê li bajarê Qamişlo yê Kurdistana Rojava 2 teqîn çêbûn di encamê de bi dehan kesan jiyana xwe ji dest dan, gelek kes jî birîndar bûn.
Bi vê helkeftê, Serok Barzanî peyamek belav kir û ew êrişên terorîstî şermezar kir.
Peyama Barzanî wiha ye:
“Ez bi êrişên terorîstî yên ku îro danê sibê li bajarê Qamişlo yê Rojavayê Kurdistanê li dijî xûşk û birayên me pêk hatin, pir xemgîn û dilteng bûm. Ez bi tundî wan êrişên hovane û terorîstî şermezar dikim û serxoşiyê ji malbatên şehîdên wê bûyerê re dixwazim. Her wiha ji birîndaran re hêviya başbûnê dixwazim. Divê parêzgeha Duhokê û hemû dezgehên têkildar ên Herêma Kurdistanê, bi hemû îmkanên xwe alîkariya mexdûr û birîndarên wan êrişên terorîstî yên Qamişlo bikin.”
تُتاح هذه الصورة أيضا في: Kurdî