March 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Di 113 Saliya Rojbûna Barzaniyê Nemir de, Çend Gotin

Di 113 Saliya Rojbûna Barzaniyê Nemir de, Çend Gotin

Konê Reş

Barzaniyê Nemir!

Di rojbûna te de, welat di kene..!

Gulîstan û daristanên welat bi ava (Êlûnê) têne avdan

Qesir û qonaxên welat bi lat û zinarên

Derbendîxan, Zozik, Soran û Baziyan bilind dibin

Navê Xanî û Bedirxan, Hefîd û Goran Bi tîpên zêrîn di sînga welat de têne nivîsandin Welatîno werin, tev werin..!

Em bi hev re serboriya BARZANÎ Bixwînin;

Ji Barzana berxwedanê, Mehabada xwînlî,

Peravê Aras, Şoreşa Êlûnê, 11ê Azarê û ta bi Gulana rengîn..

Wî, wî.. Bi tena xwe dît û her tişt naskir. Naskir;

(Da ko mirov kurdekî dilsoz û resen be,

ew hunerek zor çetîn û dijware)

Bê guman wî, her tişt nas kiribû ta ko îro ji me re bûye;

Strana ser zimana, xup-xupa ava çem û cobaran..

Navê wî bi dengê: Qewalên piristgeha Laleş,

Zengilê Dêr û Kenîşteyan û Melayên Mizgeftan re

Di sînga asmanê welat deng vedide û li hev vedigere..

Konê Reş.

Qamişlo, 14.03.2016

تُتاح هذه الصورة أيضا في: Kurdî

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi