September 18, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Zarokekî Kurdê Êzidî hate rizgarkirin

Zarokekî Kurdê Êzidî hate rizgarkirin

Duhok (Rûdaw) Zarokekî Kurdê Êzidî li Sûriyê hat rizgarkirin ku temenê wî 11 sal e û radestî kesûkarên wî hate kirin.

Berpirsê Ofîsa Rizgarkirina Revandiyên Êzidî yên ji aliyê DAIŞê ve, Hisên Koro Qayidî ji Rûdawê re ragihand, zarokekî Kurdê Êzidî ku li Sûriyê hatibû rizgarkirin, îro gihişte Herêma Kurdistanê.

Koro Qayidî got, navê wî zarokî Hokar Felah e û temenê wî 11 sal e, û xelkê Komelgeha Til Qeseb a li başûrê Şingalê ye, îro gihite nava malbata xwe.

Qayidî diyar kir, zarokê rizgarkirî bi rêya tîmeke taybet hatiye rizgarkirin, û îro radestî malbata wî hate kirin.

Sala 2014ê di dema êrîşa DAIŞê de bo ser devera Şingalê, çekdarên DAIŞê bi hezaran keç, jin û zarokên Kurdên Êzidî revandibûn.

Hikûmeta Herêma Kurdistanê ji bo dîtin û rizgarkirina wan kesan, ofîseke taybet vekiriye.

Related posts

Leave a Reply

Your email address will not be published. Required fields are marked *

Copyright © 2018 by Lalish Media Network .   Developed by Ayman Qaidi.