October 22, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

PAKê bi boneya 5.mîn salvegera karesata Şingalê daxuyaniyek belav kir!

PAKê bi boneya 5.mîn salvegera karesata Şingalê daxuyaniyek belav kir!

BasNews – Partiya Azadiya Kurdistanê (PAK) di derbarê roja jenosîda li dijî Kurdên Êzdî li Şingalê, daxûyaniyek ji raya giştî re belav kir.

Naveroka daxuyaniya PAKê waha ye;

Em jenosîda Şingalê ya ku li ser Kurdên Êzidî pêk hatî ji bîr nakin, em qesasan rûreş dikin
Îro pêncemîn salvegera êrîşa DAIŞ a hov û terorîst a li ser Şingalê û derdora wê û komkujiya Kurdên Êzidî ji aliyê vê rêxistinê ve ye.

Roja 3ê Tebaxa 2014an, rêxistina DAIŞê êrîşeke berfireh bir ser navçeya Şingalê û derdora wê û bi hezaran welatiyên sivîl ên Kurdên Êzidî kuştin, û bi hezaran keç û jin û zarokên Êzidî jî êxsîr kirin.

Di wê êrîşê de bi sedan hezar xelkê sivîl ên Kurdên Êzidî mecbûr man cîh û warê xwe bihêlin, terk bikin.

Birîna jenosîda Şingalê ya ku xuşk û birayên me yên Kurdên Êzidî tûşî bûne, birîneke kûr e û ya hemû Kurd û Kurdistanîyan e.

Heta nuha jî gelek keç û jinên Kurdên Êzidî di destê DAIŞ a hov de ne, wendayî ne.

Heta nuha jî piranîya gelê me yê ku mecbûr mane Şingalê terk bikin, nekarîne vegerin ser cih û warên xwe.

Parlamento û Hikûmeta Herêma Kuristanê divê ji bo pêçana birîna xuşk û birayên me yên Kurdên Êzidî bernameyeke taybet deynin ber xwe û bi cîh bînin.Nuha Parlamentoya Kurdistanê amadeyîya ê dike ku roja 3yê Tebaxê weke roja bibîranîna jenosoida Kurdên Êzidî bê tesbît kirin.

Em jî piştgirîya banga Serokê Herêma Kurdistanê Rêzdar Nêçrivan Barzanî ya ku ya li Netewên Yekgirtî kiriye da ku jenosîda Kurdên Êzidî bi fermî ji alîyê Netewên Yekgirtî bê qebûl kirin dikin.

Di pêncemîn salvegera jenosîda Şingalê ya ku xuşk û birayên me yên Kurdên Êzidî tûşî bûne de,em DAIŞ ê û hemû piştgirên wan careke din rûreş dikin.

Em di 5êmîn salvegera jenosîda Şingalê ku xuşk û birayên me yên Kurdên Êzidî tûşî bûne de, em hemû şehîdên vê jenosîdê bi giramî bibîr tînin; em xemxur û şirîkê hmû êş û birînên xuşk û birayên me yên Kurdên Êzidî ne.

Di pêncemîn salvegera jenosîda Şingalê ya ku xuşk û birayên me yên Kurdên Êzidî tûşî bûne de,em DAIŞ ê û hemû piştgirên wan careke din rûreş dikin.03.08.2019

Buroya Çapemenî û Ragehandinê ya PAKê

Related posts

Leave a Reply

Your email address will not be published. Required fields are marked *

Copyright © 2018 by Lalish Media Network .   Developed by Ayman Qaidi.