November 22, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Nêçîrvan Barzanî pêşwazî li şandeka Brîtanya kir

Nêçîrvan Barzanî pêşwazî li şandeka Brîtanya kir

BasNews – Serokê Herêma Kurdistanê Nêçîrvan Barzanî pêşwazî li şandeka Brîtanya bi serokatiya general John Lorimer kir.

Îro danê sibê Serokê Herêma Kurdistanê Nêçîrvan Barzanî li Hewlêrê pêşwazî li şêwirmendê serbazî yê hikûmeta Brîtanya di karûbarên Rojhilata Navîn de, general John Lorimer û şanda pê re kir.

Di civînê de Nêçîrvan Barzanî spasiya Brîtanya û hevpeymaniya navdewletî kir ku di şerê terorê de alîkariya Kurdistan û Iraqê kirin û ragihand, bo parastina destkeftên wî şerî pêwîst e piştevaniya Brîtanya û civaka navdewletî bidome.

Serokê Herêma Kurdistanê di mijara pêkanîna reforman di Wezareta Pêşmerge de jî ragihand, piroseya reforman didome û spasiya Brîtanya û hevpeymaniya dewletî kir ku di wî warî de alîkariya Herêma Kurdistanê dikin.

Di civînê de, ku Wezîrê Pêşmerge Şoriş Îsmaîl û konsolê giştî yê Brîtanya li Herêma Kurdistanê, James Thornton jî amade bûn, behsa girîngiya hemahengiya navbera Pêşmerge û artêşa Iraqê li deverên kêşedar û şerê li dijî terorê, pêwendiyên Hewlêr û Bexdayê, rewşa Iraqê, rewşa Sûriyê û êrişên Tirkiyê li ser rojhilatê Firatê bi taybet rewşa mirovî li wir hatin axaftin.

Related posts

Leave a Reply

Your email address will not be published. Required fields are marked *

Copyright © 2018 by Lalish Media Network .   Developed by Ayman Qaidi.