August 22, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Li navenda Şingalê agir derket

Li navenda Şingalê agir derket

Şingal (Rûdaw) Peyamnêrê Rûdawê ragihand ku agirekî mezin li navenda qezaya Şingalê derketiye û esmanê navçeyê dûman bûye.

Peyamnêrê Rûdawê Tehsîn Qasim ji Şingalê diyar kir ku reşebayekî bihêz navçeyê girtiye û ji ber vê yekê heta niha nekarîne şewatê kontrol bikin.

Qaymeqamê Şingalê Mehma Xelîl ji Tora Medyayî ya Rûdawê re ragihand ku agirekî mezin li nêzîkî Şingalê ketiye û tîmên hawarçûnê ber bi cihê şewatê hatine şandin.

Peyamnêrê Rûdawê herwiha eşkere kir ku “ji ber agir nêzîkî 100 malbat aware bûne û malên xwe vala kirine”. Şewat heta niha jî berdewam e û sedema derketina wê jî ne diyar e.

Şewat çar saet in berdewam e û neh gund û navenda qezaya Şingalê girtiye, xelkê Şingalê û tîmên agirvemirandinê hewl didin ku agir vemirînin, lê hêj nehatiye vemirandin.

Welatiyekî ji Şingalê jî eşkere dike ku ji ber şewatê bi sedan donim zeviyên dexl û danên cotkaran şewitîn.

 

Related posts

Leave a Reply

Your email address will not be published. Required fields are marked *

Copyright © 2018 by Lalish Media Network .   Developed by Ayman Qaidi.