September 18, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Barzanî cejna Çarşema Sor li Kurdên Êzîdî pîroz kir

Barzanî cejna Çarşema Sor li Kurdên Êzîdî pîroz kir

bi helkefta cejna Ser Sala ezidyan mes’d barzani daxuyaniyek belf kir

Ev jî deqa daxuyaniyê ye:

Bi navê xwedayê mezin û dilovan

Bi helkefta hatina cejna serê sala Êzîdî, cejna Çarşema Sor, pîrozbahiyekî germ li hemû xuşk û birayên Kurdên Êzîdî li Kurdistan û Cîhanê dikim.

Kurdên Êzîdî beşekî azîz û veneqetiyayî ya gelê Kurdistanê ne. Xweşî û êşên wan xweşî û êşên gelê Kurdistanê ne. Bi dirêjahiya dîrokê xuşk û birayên me yên Êzîdî bi sedema nasnameya olî û neteweyî tûşî karesatan hatine, lê belê pabendbûna wan ya bi nasnameya Kurdayetiyê û ola wan, hemû plan û sîtemekî li dijî wan pûç kiriye.

Spas ji bo xweda bi cangoriya Pêşmerge terorîstên Da’îş hatin têkşikandin û Da’îş baca tawanên xwe da û serê wan kete bin piyê Êzîdiyan û êdî nabê rê bê dayîn hîç karesat û êşeke din di derbarê xuşk û birayên me yên Êzîdiyan de dûbare bibê.

Li cejna serê sala Êzîdî da ewe dûpat dikîn ku gelê Kurdistanê palpiştê Êzîdiyane û rê jî nadîn hîç aliyek xwe li ser wan de bisepênê û biryardana li çarenivîs û paşaroja wan tenê di destê Êzîdiyan bi xwe da dibe.

Mesûd Barzanî
18.04.2017

Related posts

Leave a Reply

Your email address will not be published. Required fields are marked *

Copyright © 2018 by Lalish Media Network .   Developed by Ayman Qaidi.