July 03, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Çîroka keça Êzidî di bazarên Ewropayê

Çîroka keça Êzidî di bazarên Ewropayê

Cavkanî: SKY News

Şirîn ji gundekî herêma Şingalê ye. Wê heta Tebaxa 2014ê xwe ji bo ezmûnên lîseyê amade dikir. Wê dixwest bibe parêzer, mafê xelkê xwe biparêze. Ev xeyala wê bû, beriya ku çekdarên DAIŞê bikevin gundên Şingalê û Şirînê û malbatê wê bi xwe re bibin. Wê demê ew 17 salî bû.

Şirîn nemir, bombebaran, firotin û destdirêjiyê ew nekuştin. Bi arîkariya mêrekî misilman ê ku Şirîn firotibûn wî û bi xwe êdî nema dixwest di jêr desthilata DAIŞê de bijî, Şirîn karîbû xwe ji destê DAIŞiyan rizgar bike.

Bi rêya projeyeke Hikûmeta Almanyayê, Şîrîn niha li Almanyayê dijî. Di pirtûka “Ez keçek ronahiyê dimînin“ (Ich bleibe eine Tochter des Lichts) de, Şirîn çîroka xwe ji roja hatina DAIŞê bo gundê wan heta reva xwe ji destê çekdarên wê rêxistinê vedibêje.

Şirînê – ku navê yê rastîn tê parastin – pirtûk bi arîkariya psîkologê (derûnnasê) Êzîdî Prof. Îlhan Kizilhan û nivîskara alman Alexandra Cavelius nivîsandiye. Kizilhan serpereştiya wê projeya hikûmeta Almanyayê jî dike, ku di çarçoveya wê de derdorê 1000 keçên êzdî yên weke Şirînê, ku bûne mexdûrên hovîtiya DAIŞê, li Almanyayê tên tedawîkirin. Çîroka Şirînê yek ji wan 1000 çîrokan e.

Pirtûka “Ez keçek ronahiyê dimînin“ wê di 12ê Çîle 2016ê de ji aliyê weşangeha almanî “Europa Verlag“ ve bê çapkirin û bikeve bazarê.

Related posts

Leave a Reply

Your email address will not be published. Required fields are marked *

Copyright © 2018 by Lalish Media Network .   Developed by Ayman Qaidi.