Grubekî çekdar hewl dide peywira rêveberiya nahyeya Başîkê bixe dest xwe
Li Deşta Nînowa grubekî çekdar dixwaze pêkvejiyanê têkbide û peywira rêveberiya nahyeya Başîk bixe bin destê xwe û Başîk û Behzanê jî wek Şingalê lê bike.
Berpirsê ofîsa helbijartinê yê baskê 14ê yê PDKê li Nînowa Menaf Hesen ji BasNewsê re ragehand: ‘’Grubekî çekdar li Deşta Nînowa rêgiriyê li danîna rêveberiya nû ya ji bo nahyeya Başîk û Behzanê dike û hewl dide rewşa Başîk û Behzanê jî wek Şingalê lê bike û asayîş û pêkvejiyanê têkbide. Armanca wê grubê ew e kesekî ser bi wê gruba çekdarên ku dewletên biyanî piştevaniya wî dike, bibe rêveberê nahyeya Başîk û Behzanê, ku ew bi ti awayekî nayê qebûl kirin. Ji ber xelkê devera Başîk û Behzan hemû vegeriyane ser malên xwe û rewş başe û ew grubane kar dikin ji bo ku rewşê aloztir bikin.’’
Herwaha aşkera kir: ‘’Piştî rêveberê nahyeya Başîk û Behzanê Zinun Yunis malnişîn bû, mafê PDKê heye kesekî din ji bo wê peywirê diyar bike. Lê piştî çend rojan, nahah grubekî çekdaran a ser bi Heşdî Şeibî ku ji aliyê dewletên biyanî ve piştevanî li wan tê kirin, hewl dide pêkvejiyanê têkbide û peywira rêveberiya nahyeyê bixe bin destê xwe.’’
Endamê encûmena nûnerên Iraqê Mehma Xelîl jî ji BasNewsê re ragehand: ‘’Deşta Nînowa cîhê pêkvejiyanê ye û nabe grubên çekdar xwe bisepînn û pêkvejiyanê têkbidin. Hin grub li Deşta Nînowa li ser wêran kirin û nehiştina pêkvejiyanê li Deşta Nînowa kar kdikin. Peywira rêveberiya nahyeya Başîk û Behzanê mafê PDKê ye, lê ew gruba çekdaran dixwazin wê peywirê bixin bin destê xwe û bê ku xelkê Başîk û Behzanê bi vê razî bin û qebûl bikin.’’
Herwaha got: ‘’Dijî wan grubên çekdar bi fermî me beyaname belav kiriye û nahêlin grubên çekdar li ser mafê xelkê Nînowa zêdegaviyê bikin. Grubên çekdar ên ser bi Henîn Qido hewl didin devera Başîk û Behzanê bixin bin destê xwe, ku di helbijartinên pêş de jî xelkê bitirsînin û dengan ji xelkê wergirin. Ev yek nayê qebûl kirin û xelk jî dê biryara xwe bide.’’
CH
تُتاح هذه الصورة أيضا في: Kurdî
