March 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Elyas Nemo : Cejina Xidr Elyas û hindek ji rêûrismên wê

Cejina Xidr Elyas û hindek ji rêûrismên wê

Elyas Nemo xetarî

Lidemê hatina îd û erefatan helbet xelkê me xo amade diket jibo pêjwazîkirin û gêrana her cejinekê ، cejinên me êzdiyan ferq û cudahî heye dinavbera wanda ,çax û wext û dem û rêwrsim û çawanya birêvebirna cejinê, belku her cejinek bi werzekî salêve ye grêdaye wramaneke taybet didet , ziyaretbûn û seredana bab çakên êzdiyan erkê herê fere lidemê hatina îdê herdîsan kêfxoşî û şadî êke ji kar û ramana îdê , lewma dê bînin her ji zarokan û heta kiç û kurên genc û pîrek û kalemêr hest bi keyf xoşyekê diken çi bi berkirina cilan û amadakirina şirînya û grêdana govend û dîlanan liber dengê dihol û zirnayê , lewla cejin di civakê Êzdiyan da ramana berdewamya jiyanê didet û îda Xidr Elyas êke jiwan cejinan ku her sal vî demî ev roj dête saxkirin û dibte îda Xidr Elyas li roja pênc şembuwa êkê ji meha sibatê bi rojnama roj helat , berî hingî bi sê rojan rojyên Xidr Elyas dest pê diken û kelek xelkê Êzdî bi rojîdbin lirojên ( dûşembwê û sê şembuwê û çar şembuwê ) li pênc şembuwê dibte cejin, ji rê û rismên vê îdê çênabe serbir bêne kuştin wek qurbanî beru vajî digel cejinên dî , eve take cejine Êzdiyane serbra bo xêrê nakujin , raman wê çendê ewe ku li vî demê salê zorbeya heywanan wextê dû gyan yan bi têşkin û şîrî didenê û gunehe bêne serjêkirin lewma xelkê Êzdî xwarna vê îdê bi beremên siruştî û roekî bitinê amadedken dibêjinê ( bêxun ⁄ pêxun ) anku çênabt qurbanî bêne serbrîn û xun jê bêt .

Qelatk : Qelandina nok û tofik û genim û tovê gndorî û hindek corên dî û têkel kirna wan wek çerezê cejinê, ramana vê çendê ewe ku emê çandina van corên tovan xlasbû û ewên zêdekrîn cutiyar dizvrînte ve bo naf malê û kabanya malê dikete qelatk bo xwarnê lewma dbêjn Xidr Elyas û sal xilas merem sala çandinê bi dawî hat .

Pêxûn ⁄ Bêxun : Qelandna genmî paşî hêrana wî bidstarî û çêkirina şrînahiya cejinê ku dibêjnê ( Xebîse ) ew genmê hatye qelandin digel doşaba qesba têkel diken û vestrên û tobkên xiruvir jê dirust diken û dête bikarînan bo xwarnê wek şrînahya cejina Xidr Elyas .

Çerxus : xwarineke taybete salê êk carê dête çêkirin ji dehnê qelandî û livê îda Xidr Elyas dibêjinê çerxus girara cejinê divêt her malek livê roja pîroz hazrbiket .

Miraza evîndara : Çona ser denka dixewnêda , li Hêvara cejinê şevbêrî xoşdibin û şevxoşk germdibin û mehfel û civîn dêne gîran li hundirê malan û lidora sobaya qelatk û çay zêde dêne xwarn û vexwarn , keç û kur piştî dinvin têhnî dibin jiber zêde xwarna qelatka û çêdibt di xewna xweda herin ser denkê mala evîndarên xwe û avê jê vexon ramana wê ewe anku ew nêzîk de bine qsmetê yek .

Zîfkandin : Li sibeyka cejinê li roja pênc şembuwê di bawerya me Êzdiyanda Xidr Elyas û Xidr Nebî divê rojêda pirçên xo qusandîne lewma dvêtin her kesek divê rojêda hindek pirça xo biqusînt dibêjinê Zîfkandin .

Guh simtin : Li vê îdê guHên zarokên keç dêne simtin ( kunkirin ) wekî rojeke pîroze dunya sare û liber agrê sobayê guhên wan di smin û guhara bora dikenê bidestê hindek afretên şareza divî biwarîda .

Qedexeya nêçîrê : Wekî me gotî li vî demê salê bitrya giyaneweran bi dû giyanin û bitrya teyran liser hîkan lewma çona nêçîrê qedexaye .

Li dawiyê daxwazê ji xudayê mezin dikeyn îda tifaq û tebayê û serfrazyê bit cejina pêkve jiyanê û xoşiyê û rêzgirtina mirovan li mrovan bit yaxudê .

 

CH

 

 

تُتاح هذه الصورة أيضا في: Kurdî

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi