January 30, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Serok Barzanî bi boneya Cejna Cemayê ya Kurdên Êzdî peyamek belav kir

Serok Barzanî bi boneya Cejna Cemayê ya Kurdên Êzdî peyamek belav kir

BasNews – Serok Mesûd Barzanî bi boneya Cejna Cemayê ya Kurdên Êzidî peyameke pîrozbahiyê arasteyî xwişk û birayên Êzidî kir.

Serok Barzanî di peyama xwe ya pîrozbahiyê de tekez kir, divê tevaya aliyan kar ji bo xurtkirina ferheng û kultûra pêkvejiyanê di navbera pêkhateyên olî û netewî yên Kurdistanê de bikin.

Peyama Serok Barzanî ji bo Cejna Cemayê wiha ye:

Bi navê Xwedayê mezin û dilovan

Bi helkefta Cejna Cemayê, pîrozbahiyên germ arasteyê Mîrê Êzidiyan û Babe Şêx û Civata Rûhanî û hemû xwişk û birayên Êzidî yên li Kurdistanê û cîhanê dikim.

Ez hêvîdar im, ev cejn bibe sedema xweşî û aramî ya xwişk û birayên Êzidî û bişên hemû salekê cejn û xweşiyên xwe bi aştî û asûdeyî saz bikin.

Her bi vê helkeftê, em dakokiyê dikin ku pêdivî ye hemû alî kar ji bo bihêzkirina ferheng û kultûra pêkvejiyanê û biratî û yekrêziyê di navbera hemû pêkhateyên olî û netewî yên Kurdistanê bikin û biparêzin.

Mesûd Barzanî

6ê Cotmeha 2022yan

00CH

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi