March 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Koçberên Şingalê: Hikûmeta Herêma Kurdistanê pir li me xwedî derdikeve

Koçberên Şingalê: Hikûmeta Herêma Kurdistanê pir li me xwedî derdikeve

BasNews – Koçberên Şingalê dibêjin hikûmeta herêma Kurdistanê gelek li me xwedî derketiye û eger em biçin Şingalê ti kes nîne li me xwedî derkeve û ji ber wê jî em nikarin biçin Şingalê.

Koçberê Şingalê yê li qeza Sêmêlê jiyana dike Şehwan Mîşu ji BasNewsê re ragehand: ‘’Hikûmeta herêma Kurdistanê gelek li me xwedî derketiye. Eger em biçin Şingalê ti kes li me nanêre, ewlehî tine û em nikarin vegerin hemû xizmet di kampan de hene lê li Şingalê ti tiştek tine.’’

Elyas Sivuk jî yek ji koçberên Şingalê ye ji BasNewsê re ragehand: ‘’Şingal nehatiye avadanî kirin û ewlehî tine. Em nikarin biçin Şingalê ji ber aloziya rewşa Şingalê heta naha hêstiyên qurbaniyên jenosîda Şingalê nehatine rakirin. Hîn bi hezaran xelkê Şingalê winda ne û ti tiştek ji aliyê Bexdayê ve ji bo Şingalê nehatiye kirin.’’

Koçberekî din ê Şingalê Hesen Cindî jî li wargeha Xankê ya qeza Sêmêlê ji BasNewsê re ragehand: ‘’Eger hikûmeta herêma Kurdistanê alîkariya xelkê Şingalê nekiriba dê xelk ji birsiyan miriban. Gelek piştevanî û alîkariya koçberên Şingalê hatiye kirin. Heta xelkê herêma Kurdistanê cilûberg û xorakên nav malên xwe de jî bo koçberên Şingalê anîn.’’

Herwaha ragehand: ‘’Em welatiyên herêma Kurdistanê ne em naxwazin bikevin ser Bexdayê û em daxwaz dikin Şingal bi fermî ser bi herêma Kurdistanê be.’’

تُتاح هذه الصورة أيضا في: Kurdî

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi