زانكۆ و بازرگانی ب قوتابیان
هۆزان نەعمان سالح 
زانكۆ ئەو جی و پلەیە یا مرۆڤی دگەهینتە ئارمانجا مرۆڤی و زانین و رەوشەنبیریا هەر مللەتەكی و وەلاتەكی دیار دكت،یا دیار و ئاشكەرایە كو ژ دەستپێكا چۆنا هەر قوتابیەكی بۆ قوتابخانێ ئەوە ل زانكۆیێ ب باوەرنامەكا باش داوی بینن و دەست بكارێ خۆ یێ فەرمی بكن دا بەهایێ وان چەند سالا بدەنێ یا كو زەحمەتەكا مەزن بری ب خووندنێ ڤە و خۆ بەرهەڤكری كو مفای بگەهینە خۆ و مال و مللەتێ خۆ و پێشكەفتنێن مەزن بدەستخۆڤە بینن،بەلێ ب لێبۆرین ڤە یا نهۆ ئەم تێدا گەلەكا دل ئێش و نەخۆشە ژبەركو زانكۆ یا بوویە خەون بۆ گەلەك قوتابیێن هەژی زانكۆیێ و یا بوویە بازارەك بۆ وان كەسان یێن دلخوش بڤێ بریارێ،هندی ل بیرا من تێت و دزانم مە گەلەك قوربانی ژ هەموو لایان ڤە یێن داین و هەتا نهۆ ژی ئەم هەر یێ قوربانیا پێخەمەت ژیانا خۆ و پاشەرۆژا خۆ دەین بۆ هندێ دەمێ رۆژەك بێت و پێتڤی هندێ بین داخوازیێن مە بێ فەرمان و هەروەسا مافێ مە بدەنە مە وان مافا یێن كو هەر ئێك ژمە نابت بێ بەهر بت ژ وان مافا و هەموو قوتابی ل زانكۆیێن هەژی بێنە وەرگرتن،بەلێ وەكی ئەم نهۆ دبینین كو سال بۆ سالێ چۆنا زانكۆیێ گەلەك بزەحمەت كریە و یاسایێن گەلەك بێ رامان دروستكرینە و بجه دئینن بتنێ بۆ هندێ دا بازرگانیێ ب قوتابی بكن و خووندنێ لبەر وان بزەحمەت ئێخن و قوتابی دووركن ژ خووندنێ چنكو یێن گەلەك ئاڤاهیێن ئەهلی ئاڤا دكن و گەلەك بەش ل زانكۆیێ ب بەهانەیا نمرێن كێم و خۆلا دووێ كرینە ئەهلی،دسەر هندێ را بارێ ئابووری یێ گەلەك كەسا نەیێ باشە كو ل جیێن ئەهلی باوەرناما هەژی خۆ بدەستخۆڤە بینن و ئەو كەسن یێ كو هەژی جیەكی گەلەك باش ژبەركو كەسەكی زیرەك و ژێهاتیە ل خووندن و زانینا خۆ دا و جیێ مفایە بۆ مللەتی،بەلێ ب لێبۆرین ڤە ئەڤە غەدرەكا گەلەك مەزنە د دەرهەقێ ڤان قوتابیان دا دئێتە كرن و بزانە قوتابی رۆناهیە بۆ وەلاتی چنكو ئەم یێ د چەرخێ (21)ێ دا كو دەمێ پێشكەفتن و تەكنلۆژیایێ و زانینێ یە و نهۆ و ژ هەر دەمەكێ دی بتر پێتڤی ڤان قوتابیێن خودان شیانن و گەلەك یا گرنگە دڤی دەمی دا د سەرێ قوتابیێن خۆدا خووندن و پێشكەفتنێ و زانینێ بچینن دا وەلاتەكێ سەربەخۆ ئاڤا بكەین،چنكو ئەڤە خەونا مە هەموو كوردانە،ئەو كەسێن خودان ڤان بریارا ما توو نزانی كو خووندن كلیلەكە بۆ دەرگەهێ هیڤیێن دەولەتبوونا كوردستانێ ئەرێ ژبەر چ وە نەڤێت قوتابی خووندنا خۆ بداوی بینن و هوون وان ناچار دكن ل جیێن ئەهلی بخوونن،بلا ل بیرا مە نەچت بەری چەند سالەكا كوژمەكی دراڤی بۆ هەر قوتابیەكێ زانكویێ تەرخانكربوو بۆ پێتڤیێن وان یێن خووندنێ و ئەڤە مافەك بوو بۆ هەر قوتابیەكی بەلێ ئەڤ بریارە ژی نەهێلا و رۆژ بۆ رۆژێ بتر ماف یێن دئێنە خوارن،هەروەسا سال بۆ سالێ خووندنێ ب زەحمەت دكن و قوتابی دووردكن ژ خووندنێ و زانینێ ئەرێ مەرەما وە ئەوە هوون نەزانینێ ل ناڤ ڤی مللەتی بەلاڤ بكن یان ژی دراڤی ژ قوتابی وەربگرن،ئەرێ بۆچی بۆ زارۆكێن زەنگینا و دەستهەلاتدارا هەموو دەرگەه بۆ وان د ڤەكرینە بەلێ بۆ هەژارەكی بێ دەستهەلات خودان شیان هەموو رێیا لبەر دگرن و دبنە قوربان و مە قوتابیا ب هزرەكا بێ گونەه مە هۆسا د هزرا خۆدا ئاڤا كربوو و دگۆت كو ئەڤ سالە دێ گەلەك رێیێن باش لبەر مە دڤەكری بن ژبەر وان كاودانێن ئەم تێدا دبۆرینین كو وەلات پێتڤی قوتابیایە دڤان بارودۆخا دا بنەمایێ وان سست نەبت و هەر دراگرتی بن بەلێ مە نەزانی كو یێن ل پشت مەرا گەلەك خەڤكێن كوور د كۆلن و پاش مە دئێخنێ،ئەگەر ئیرۆ لسەر ڤێ خەلەتیێ نەسەكنین و ل پێ مافان نە گەرێن پشتراستم ل داهاتی دێ مە گەلەك قوربانی هەبن و نەزانین دێ لناڤ مەدا بەلاڤ بت،بەلێ ئەم قوتابی كەسانێن خودان شیان و هیڤیێن مەزنین هەتا داوی هەناسە دێ پێكولا كەین ب خووندن و زانینێ سەركەڤین و ناهێلین چ كەس و چ بریار لبەر سنگێ مە بگرن بۆ بەرەف پێشڤە،ل داویێ دبێژم ئەی قوتابیێ خودان شیان و داخازكەرێ زانینێ بلا ژبەر هندەك بریارا خەونێت تە ژناڤ نەچن و پشتراسبە توو چ جارا بێ بەهرنابی ژڤی مافی،ڤێجا مافێ خۆ ژبیر نەكە و هەر ل پێ هەرە هەتا دگەهیێ و یێ سەربلند بی بڤی كاری چنكو ئەڤە ئەركەكە لسەر ملێن مە هەموو قوتابیان.
تُتاح هذه الصورة أيضا في: کوردی
