بنگەهێ لالش تایێ باعەدرێ ژمارەكا رۆژنامەڤانان خەلاتكرن
سەما:
درێورەسمەكێ دا و ب هەلكەفتا سالرۆژا رۆژنامەگەریا كوردی،ژمارەكا رۆژنامەڤانان ژلایێ بنگەهێ لالش تایێ باعەدرێ ڤە هاتنە خەلاتكرن.
ب ئامادەبوونا ژمارەكا زۆر ژ تەخ و چینێن جودا جودا،ئیرۆ چارشەمبوویێ 21/4/2021ێ و ب هەلكەفتا (123)ێ سالرۆژا رۆژنامەگەریا كوردی و دەرچۆنا ئێكەم رۆژناما كوردی ل ژێر ناڤێ (كوردستان) ل (22 / 4 / 1898) ل قاهیرا پایتەخت، بنگەهێ لالش تایێ باعەدرێ رابوو ب خەلاتكرنا هەشت رۆژنامەڤانێن دەڤەرێ ل هۆلا باعەدرێ یا بیرەوەریا.
ل دەستپێكێ خەلات باعەدری بەرپرسێ بنگەهێ لالش تایێ باعەدرێ بخێرهاتنا تەڤایا ئامادەبوویان كر و كەد و خەباتا رۆژنامەڤان و میدیاكاران بلند نرخاند،هەر بڤێ هەلكەفتێ جوانترین پیرۆزبای ئارستەی میدیاكارێن خەمخۆرێن پیشەیا رۆژنامەگەریێ كرن و ئەركێ وان ب پیرۆزی ل قەلەم دا درێیا گەهاندنا پەیاما خەلكێ خۆ.
ل پێرا رێورەسمێن خەلاتكرنا میدیاكاران ب پێشكێشكرنا باوەرنامێن رێزلێنانێ یێن بنگەهێ لالش تایێ باعەدرێ ژلایێ ئامادەبوویان ڤە ب رێڤەچۆ،د كەش و هەوایەكێ دلڤەكر و دلخۆشكەر و هەبوونا گرنژینان لسەر و سیمایێن خەلاتكریان و تەڤایا ئامادەبوویان.
تُتاح هذه الصورة أيضا في: کوردی
