وه‌زیرا چاندنێ: “دێ ده‌ست ب هنارتنا به‌رهه‌مێ ناڤخۆ بۆ ده‌رڤه كه‌ین”
گاڤ نیوز
وه‌زیرا چاندنێ یا هه‌رێما كوردستانێ بێگه‌ر تاله‌بانى باس ل ده‌ستكه‌فتێن وه‌زاره‌تا خۆ د كابینه‌یا 9ێ دا كر و راگه‌هاند، نها كار لسه‌ر میكانیزما هنارتنا به‌رهه‌مێ خۆمالى یێ هه‌ریمێ بۆ ده‌رڤه دهێته كرن، گۆت ژى د ڤێ كابینه‌یێ دا ژلایێ وه‌زاره‌تا چاندنێ ڤه 309 پرۆژه‌یێن په‌له‌وه‌ر و ئاژه‌لى هاتینه بجهئینان.
بێگه‌ر تاله‌بانى گۆت ژى، د ڤێ كابینه‌یێ دا، وه‌زارتا وێ 70% خه‌رجی كێمكرینه، د چوارچووڤێ چاكسازیان ژى دا، پێداچوون ب دۆسه‌یا 9هزار و 849 فەرمانبەران دا هاتیه كرن.
گۆت ژى ژلایێ وه‌زاره‌تا وانڤه 3 یاسایێن گرنگ هاتینه ده‌رخستن: یاسایا سه‌رپه‌رشتیكرنا پرۆژه‌یێن چاندنێ، یاسایا به‌رهه‌مئینان و ئینانا تۆڤى، یاسا پاراستنا ئاڤێ كو دێ 5 هزار كه‌سان بكارئێخن. گۆت ژى، ئاستێ وه‌به‌رهێنانێا چاندنێ ژى 1،8% زیده‌بوویه.
وه‌زیرا چاندنێ دا زانین ژى، 30 هزار خانیێن پلاستیكى لسه‌ر رووبه‌رێ 5،504 دونه‌مێن ئه‌ردى بۆ به‌رهه‌مئینانا كه‌سكاتى و فێقى هاتینه دورستكرن و 14,930 ده‌لیڤێن كارى په‌یداكرینه.
گۆت ژى د نها 600 هزار ته‌نێن هنگڤینى ل هه‌رێمێ دهێنه به‌رهه‌مئینان و سالانه ده‌لیڤا كارى بۆ 9 هزار هنگه‌ڤانان دورستبوویه. گۆت ژى 406 پرۆژه‌یێن خودانكرنا ماسیان ل هه‌رێمێ هه‌نه كو به‌رهه‌مێ وان 30 هزار ته‌نن د ساله‌كێ دا.
تُتاح هذه الصورة أيضا في: کوردی
