پەسەندکرنا بودجەی دێ بەری بێهنڤەدانا خولا تەشریعی بیت
WAAR-دهۆك:
سەرۆکا فراکسیۆنا پارتی ل پەرلەمانێ ئیراقێ راگەھاند؛ پرۆژە قانوونا بودجەیا ئەڤ سالە دێ بەری بێهنڤەدانا خولا تەشریعی یا پەرلەمانی ھێت پەسەند کرن.
دكتور ڤیان سەبری، سەرۆکا فراکسیۆنا پارتی دیمۆکراتی کوردستان ل پەرلەمانێ ئیراقێ بۆ وار راگه‌هاند؛ پرۆژە قانوونا بودجەیا دوھزار و نۆزدێ، دێ بەری بێهنڤەدانا خولا تەشریعی ھێت پەسەندکرن، ئاماژە ژى دا، كو ل دووڤ په‌یره‌وێ ناڤخۆ، بێهنڤەدانا خولا تەشریعی دێ ل دواییا ڤێ مەھێ دەستپێ کەت.
ب گۆتنا سه‌رۆكا فراكسیۆنا پارتی پێشبینی ھەنە، شاندەکا حکومەتا ھەرێما کوردستانێ ل سەر پرسا پشکا ھەرێمێ د بودجێ دا ژبۆ گۆتوبێژان ل گەل ئالییێن ئیراقی سەرا بەغدایێ بدەت، ب ھەمان ئاوا شاندەکا بەغدایێ ژی دێ سەرا ھەولێرێ دەت.
تُتاح هذه الصورة أيضا في: کوردی
