هۆله‌ندا داوی ب هێرشێن خوه یێن ئاسمانی یێن دژی داعشێ ئینا
WAAR-دهۆك:
هۆله‌ندا داوی ب هێرشێن خوه یێن ئاسمانی یێن دژی داعشێ ئینا و فرۆكه‌یێن خوه یێن شه‌ركه‌ر ڤه‌كێشان، وه‌زاره‌تا به‌رگرییا هۆله‌ندا ژی راگه‌هاند؛ دێ ل سه‌ر پشته‌ڤانیكرنا پێشمه‌رگه‌ی به‌رده‌وام بن.
وه‌زاره‌تا به‌رگرییا هۆله‌ندا ئه‌ڤرۆ راگه‌هاندنه‌ك به‌لاڤكر و تێدا، ب داویئینانا هێرشێن دژی داعشێ ل ئیراق و سووریا راگه‌هاند و دا زانین، هه‌موو فرۆكه‌یێن ئێف 16 یێن پشكدار د بۆمبه‌بارانا داعشێ دا، دێ هێنه ڤه‌كێشان.
دا یه زانین ژی: شه‌ڕێ دژی داعشێ هێشتا ب دوماهی نه‌هاتییه و پێدڤییه پشته‌ڤانییا هێزێن سه‌ر عه‌رد بهێته كرن، دا كو گه‌فا داعشێ ب ئێكجاری ب دوماهی بهێت، هه‌ر د ڤی چارچووڤه‌ی دا، هۆله‌ندا دێ به‌رده‌وام بیت ل سه‌ر مه‌شقدان و پشته‌ڤانیكرنا پێشمه‌رگه‌یێ كوردستانێ.
تُتاح هذه الصورة أيضا في: کوردی
