سه‌قاناسییا هه‌رێمێ: ئه‌گه‌رێ هه‌یی سوبه به‌فر بباریت
WAAR – دهۆک:
رێڤه‌به‌رییا سه‌قاناسی و ئه‌ردهه‌ژێن هه‌رێمێ راگه‌هاند؛ ئه‌ڤرۆ باران بارین دێ به‌رده‌وامبیت و بۆ سوبه ژی، پێشبینیا به‌فر بارینێ هه‌یه.
ل گۆری راگه‌هاندنه‌كا رێڤه‌به‌رییا سه‌قاناسی و ئه‌ردهه‌ژێن هه‌رێما كوردستانێ، ب درێژاهییا ئه‌ڤرۆ، ئاسمان دێ عه‌ور بیت و ئه‌گه‌رێ باران بارینێ ل پترییا ده‌ڤه‌رێن هه‌رێمێ هه‌یه و پله‌یێن گه‌رمێ ژی دێ بۆ پێنج پله‌یان داكه‌ڤن.
دایه زانین ژی كو بۆ سوبه رۆژا شه‌مبی، باران بارین دێ به‌رده‌وامبیت و ئه‌گه‌رێ بارینا به‌فرێ ل ده‌ڤه‌رێن چیایی یێن پارێزگه‌هێن هه‌ولێر و سلێمانیێ هه‌یه.
تُتاح هذه الصورة أيضا في: کوردی
