مه‌سروور بارزانی داخوازا ب هێزكرنا په‌یوه‌ندیێن ئه‌مریكا و هه‌رێمێ دكه‌ت
waar -دهۆك:
شیره‌تكارێ جڤاتا ئاسایشا هه‌رێمێ راگه‌هاند؛ هه‌ماهه‌نگییا ئه‌مریكا و هه‌رێما كوردستانێ د دارشتنا پاشه‌رۆژا ده‌ڤه‌رێ دا، گه‌له‌كا گرنگه.
ل گۆری راگه‌هاندنه‌كا نڤێسینگه‌ها شیره‌تكارێ جڤاتا ئاسایشا هه‌رێمێ، ئه‌ڤرۆ مه‌سروور بارزانی پێشوازی ل ئاده‌م شیف ئه‌ندامێ كۆنگرێسێ ئه‌مریكا كر و د كۆمبوونه‌كێ دا، مه‌سروور بارزانی دیاركر، پشكدارییا كارا یا ئه‌مریكا د گۆره‌پانا سیاسی یا ده‌ڤه‌رێ دا، پشكه‌كه ژ چاره‌یان و دێ بیته فاكته‌رێ گرنگێ سه‌قامگیری و به‌رهه‌نگاربوونا تیرۆرێ.
دا زانین ژی كو پێدڤییه په‌یوه‌ندیێن ئه‌مریكا و هه‌رێما كوردستانێ بهێزتر بن و هه‌ردو ئالییان هه‌ماهه‌نگیه‌كا باش د دارشتنا پاشه‌رۆژا ده‌ڤه‌رێ دا هه‌بیت و ئه‌ڤه‌ژی گه‌له‌كا گرنگه.
ژ ئالیێ خوه‌ڤه وی كۆنگرێسمانێ ئه‌مریكی دوپاتكر كو هه‌ژماره‌یه‌كا مه‌زنا كۆنگرێسمانان، پشته‌ڤانێن داخوازیێن ره‌وایێن گه‌لێ كوردن و ئیداره‌یا ئه‌مریكی ژی ل وێ باوه‌رێ یه كو گه‌لێ كورد، هه‌ڤپه‌یمانه‌كا نزیكا ئه‌مریكایه ل ده‌ڤه‌رێ.
تُتاح هذه الصورة أيضا في: کوردی
