مه‌سروور بارزانی: داخوازا هاریكاریێن زێده‌تر بۆ پێشمه‌رگه‌ی ژ ئه‌مریكا هاته كرن
waar – دهوك :
شیره‌تكارێ جڤاتا ئاسایشا هه‌رێما كوردستانێ راگه‌هاند؛ كۆمبوونێن وی دگه‌ل به‌رپرسێن وه‌زاره‌تێن ده‌رڤه و به‌رگرییا ئه‌مریكا گه‌له‌ك باش بوون و داخوازا هاریكاریێن زێده‌تر بۆ پێشمه‌رگه‌ی، هاتنه كرن.
د تویته‌كێ دا ل تۆرا جڤاكییا تویته‌ری، مه‌سروور بارزانی شیره‌تكارێ جڤاتا ئاسایشا هه‌رێمێ گۆت: د كۆمبوونێن دگه‌ل به‌رپرسێن وه‌زاره‌تێن ده‌رڤه و به‌رگرییا ئه‌مریكا دا، داخوازا هاریكاریێن زێده‌تر بۆ هێزێن پێشمه‌رگه‌ی هاتیه كرن و سوپاسییا ئیداره‌یا ئه‌مریكا هاتیه كرن كو د شه‌ڕێ دژی داعشێ دا، پشته‌ڤانا بهێز یا گه‌لێ كوردستانێ بوویه.
پێشتر مه‌سروور بارزانی، ب سه‌رۆكایه‌تییا شانده‌كا بلندا هه‌رێمێ، ب مه‌ره‌ما كۆمبوونێن دگه‌ل تیما دۆنالد ترامپ سه‌رۆكێ نوو هه‌لبژارتی یێ ئه‌مریكا و به‌رپرسێن ئیداره‌یا نها یا واشنتۆنێ، سه‌ره‌دانا ئه‌مریكا كربوو.
تُتاح هذه الصورة أيضا في: کوردی
