ئاڤاكرنا خێزانەكا بەختەوەر ل سەر تێگەهشتنا دناڤبەرا ژنێ و زەلامی دایە
جیهان عه‌بۆ
ژبۆ ژیانەكا هەڤژینیا دروست دور ژ هه‌ر توند و تیژیەكێ و تاكو ژیانا وان ل سەر بنەما و شەنگستێن دروست بێتە رێڤەبرن،دڤێت ژنا شووكری پێگریێ ل سەر ئەڤان خالا بكت تاكو ژیانا خۆ یا هەڤژینیێ ب شێوەیەكێ دروست ب پارێزت و بەردەوام بت دگەل هەڤژینێ خۆ.
هەردەمێ ئافرەتا شووكری ل ناڤ مالێ كێشە و ئالۆزیا دروست بكت و دەمێ هەڤژینێ وێ ژ سەر كارێ خۆ ب زڤرتە مالێ و هەردەم دناڤ جاڤێ وی ڤە بمینە،ئەڤ چەندە دێ ئالۆزیا دروست كت دناڤ بەرا وان دە ئەگەر ئافرەت هەردەم كێشا دروست بكت و گەر ژ بەركو زەلامێ وێ هەردەم ل مالە یان هەڤژینێ وێ داخوازكر كو ل گەل بچتە ژ دەرڤە و هەردەم یا ب كێشە و كارێ خۆ پتر ئالۆزیا كت،ئەڤە دبتە ئەگەر كو زەلامێ وێ پتریا دەمێ خۆ ژ دەرڤە بۆرینت وژ خێزانە خۆ دوور بكەفت.
دەمێ كو ئافرەت گەلەك ل سەر بابەتەكی دگەل هەڤژینێ خۆ و رێزێ لێ نەگرت و هەردەم ب شەر بت و دەمی دێ رەوشەكا دەرونی بۆ خۆ و زەلامێ خۆ چێكەت،ئەڤ جۆرێن ئافرەتا باوەری ب خۆ نینە وخودان كەسایەتیەكە لاوازە ،دڤێت ئافرەتێ باوەریەكە ب هێز ب خۆ هەبت و هەموو دەما ب روویەكێ گەش پر ب هیڤی دگەل زەلام و زارۆكێ خۆ رەفتارێ بكت،هەردەمێ ئافرەتا شووكری ژنا ناڤ مالێ بت و زەلامێ وێ بۆ ماوێ چەند دەمژمێرا كار كت تاكو ژیانا زارۆك و خێزانا خۆ خۆش و باشتر لێ بكت ،دڤێت ژن ژی ب ئەركێ هەڤژینێ خۆ و نابت بێژتە زەلامێ خۆ زارۆكێن وێ لتە هاتن وەكی تە دخرابن و هەردەم كاری بەرەڤ خرابوونێ بت ل شوونە ئاڤا بكت،ئەگەر ئافرەتێ یان زارۆكێن وێ ئاریشەك هەبت پشتی كو زەلامێ رەحەتیا خۆ ستاندی دڤێت ئاریشا خۆ ب شێوەیەكێ هێمن و جوان بێژت تاكو ئێك تێگەهشن دناڤبەرا وان دە چێبت.
ژنا كو ئەو و زەلامێ خۆ هەردوو خودان كارن و دەوامن ،ژ بەركو ئەو هەردوو د رەوشەنبیرن و خودان باوەر نامەنە،دڤێت تێگەهشتنەكە مەزن دناڤبەرا وان دە هەبت و ئالۆزیێن وان كێم تربین و خۆ ل سەر ئێك و دن فەرز نەكن، ژبەر كارێن خۆ دگەل خێزانا خۆ ب شێوەیەكێ دروست بژین،داكو خێزانەكا بەختەوەر ئاڤا بكن.
تُتاح هذه الصورة أيضا في: کوردی
