كچا زوو شوو دكه‌ت تووشى چه‌ندين نه‌خۆشيان دبيت
نوش نيوز:
ھەر کەسەکێ دبن ژیێ ١٨ سالیێ دا ب زارۆ دھێتە ھژمارتن و ماف ھەیە زارۆکینیا خوە ب ئازادانە دەرباز بکەت، ھەڤژینیا سنێلە ئێک ژ نەریتێن بەربەلاڤە ل رۆژھەلاتا ناڤەراست کو کچێ ب شێوێن رەسمی و نە رەسمی ژ ژیێ ٩ سالی هه‌تا ١٨ ساليێ ددەنە شوو.
د. نەسرین عه‌بدولغه‌فور شێخ تایبەتمەندا نەخۆشیێن ژن و زارۆبوونێ بۆ نۆش نیوز دیارکر کو گەلەک زەلام حەز دکەن ھەڤژینیێ ل گەل سنێلا پێک بینن لێ نزانن خرابیێن وێ چنە بۆ ھەڤژینیا وانا ل پاشەروژێ و گۆت: “ھەڤژینیا پێش دەم کارتێکرنێ ل ساخلەمیا ژنێ دکەت ل دەمێ دوگیانیێ دا و دبیتە ئەگەرێ پەیدابوون و ژەھراویبوونا دوگیانیێ، دیسا گەلەک سەربارکێن ب ترس ل دەڤ زارۆیی وێ دیار دبن، ژ بەر کو وێ ھێزا ژانا و زارۆبوونا سروشتی نینە.
د. نەسرینێ دیار کر ژی کو پتریا ژنێن ل بن ژێی ھەژدە سالیێ دەمێ شوو دکەن رەنگە بۆ دو زارۆیان نشته‌رگه‌رى بۆ بهێته بكرن، بەلێ بۆ زارۆیێ سیێ دبیت تووشی سەربارکێن ھەڤالبچووکی ببیت و ببیتە ئەگەرێ راکرنا مالبچووکێ وان.
ھەروەسا دیارکر کو دەروونێ وێ ژنێ زوو تێک دچیت، چونکو د ژیەکی دایە بڕیارێن وێ نەد دروستن و ھورمونێن وێ دھێنە گوھورین و دبیت ل وی دەمی ھورمونێن وێ بلند ببن و حەز ل سەر کەسەکی یان تشتەکی ھەبیت دەمێ دھێتە خوار حەز ل سەر وی تشتی نەمینیت.
تایبەتمەندا نەخۆشیێن ژنان و زارۆبوونێ ئەو ژی دیارکر کو ھەڤژینی د ژیەکێ بچووک دا ب رێژەکا زۆر سەرکەفتنێ نائینیت یان دێ خۆ ددەتە بەردان پشتی چەندین زارۆیان یان دێ قەستا پەیوەندی یێن نەشەرعی کەت.
ل دور ئەگەرێن ھەڤژینیا پێش وەخت، تایبەتمەندا نەخۆشیێن ژنان دیارکر کو ئەگەرێ سەرەکی یێ بۆ نەزانینا دایکوبابان ڤەدگەریت کو کچ تێکەلێ د گەل رەگەزێ نێر نەکەت بەلا کچێن خوە ژ خوە ڤە دکەن و دبێژن (شووکرن بۆ کچێ ستارەیە)، ھەروەسا ھەژاری ژی ئێک ژ ئەگەرێن سەرەکی یە خێزانانە کو کچێن خوە ل ڤی تەمەنی دا ددەنە شوو ژ ئەگەرێ زۆریا ئەندامێن خێزانێ و نەشێن ھەموویا خودان کەن، ھەروەسا پارە کو خێزان ھەنە کچێن خوە دەنە کەسێن زەنگین دا داخوازا نەختی و گەلەک زێرا بکەن و گۆتژی: دا کو ئەڤ کچە بێنە مارکرن راپورتەک بۆ مە ژ لایێ دادگەھێ ڤە دھێت کو ئێک ژ نوشدارێن ژنان وێ کچا بچووک پشکنین دکەت کا جەستەیێ وێ یێ تمامە دا ھەڤژینیێ پێک بینیت ھەکە یا ئامادە بیت بەرسڤا وان دھێتە دان یا دی ژ لایێ دادگەھێ ڤە دھێتە برێڤەبرن”.
د. نەسرینێ خویاکر ھەڤژینیا ڤان کچان ئەگەرێ وێ ھەموو دەما خێزان نینە، بەلکو گەلەک کچان ئەڤینێ ھەیە و د ژیەکێ بچووک دا بێ رەزامەندیان مالێن خوە ھەڤژینی پێک ئینایە.
تُتاح هذه الصورة أيضا في: کوردی
