رزگاربوویێن ئێزدی داخوازا هاریكاریان دكن
تۆرا لالش یا راگەهاندنێ
ئاوارەیێن شنگالێ ئەڤە بۆ ماوەیێ پتری سالەكێ یە درەوشەكا پەریشان دا دژین،ئەو كەسێن ژ دەستێ داعشێ رزگاربووین رەوشا وان ژ یا هەموویان خرابترە،چنكو گەلەك زوولم و زۆرداری ل وان هاتیە كرن،لەوا داخواز دكن هاریكاریا وان ب تایبەتی بێتە كرن و هەموو ئاوارەیان ب گشتی.
ناسر بەرەكات ئاوارەیەكی شنگالێیە بۆ رۆژنامەیا دەنگێ لالش دیاركر:”ل ڤی دەمی رۆژ بۆ رۆژێ رەوشا ئاوارەیان ل بن خیڤەتان دا یا خرابتر لێ دئێتن،چنكو دەم درێژ بوو ئەڤە ماوێ نێزیكی دووسالایە ژیانا خۆ یا پر دژوار ل خیڤەت و كاڤلان دا ب رێڤە دبەن و پێتڤیە ل هاڤینا بێت كارەب یا باش بت و نەئێتە برین و پتر هاریكاریا ئاوارەیان دهەموو بواران دا بێتە كرن و خزمەتكاری بۆ وان بێنە دابینكرن”.
هەروەسا رزگاربوویەكا دەستێ داعشێ بۆ دەنگێ لالش دبێژت:”ئەو كەسێن ژ دەستێ داعشێ رزگاربووین رەوشا وان ژ یا هەموویان خرابترە،چنكو گەلەك زوولم و زۆرداری ل وان هاتیە كرن و گەلەك ژ وان تووشی نەخۆشیێن دەروونی بووینە ل هەر كەمپەكێ و جیەكی،ئەڤجا داخواز دكەم هاریكاریا هەموو ئاوارەیان بێتە كرن”.
تُتاح هذه الصورة أيضا في: کوردی
