سەرۆکێ بنگەهێ لالش هەلبەستڤان و سترانبێژێ کلیپا “ئۆلا رەسەن” خەلاتکرن
سەما:
سەرۆکێ ده‌سته‌يا بلندا بنگەهێ لالش یێ رەوشەنبیری و جڤاكى ل دهۆكێ، پێشوازی ل هەلبەستڤان و سترانبێژێ کلیپا (ئۆلا رەسەن)كر.
بەرێز شێخ شامۆ سەرۆکێ ده‌سته‌يا بلندا بنگەهێ لالش یێ رەوشەنبیری و جڤاكى ل دهۆكێ دەستخۆشی ل هەلبەستڤان “رەشۆ عەیشان” و سترانبێژ “هۆزان ئەلند” کر و خەلاتێ رێزلێنانێ پێشکێشى وانا كر،كو ئەرکێ کلیپا (ئۆلا رەسەن)ب ستۆیێ خۆڤە گرتبوون.
کلیپا (ئۆلا رەسەن)به‌رهه‌مێ ده‌سته‌يا بلندا بنگەهێ لالش ل هەفتیا بۆری ب هه‌لكه‌فتا جەژنا سەرێ سالا ئێزدیان هاتبوو بەلاڤکرن.
سترانبێژێ كليپا ئۆلا ره‌سه‌ن هۆزان ئەلند بۆ کەنالێ سەما دیارکر:”سوپاسيا سەرۆکێ بنگەهێ لالش دكه‌م خەلاتێ رێزلێنانێ پێشکێشی من کری،ژبەر به‌لاڤكرنا کلیپ سترانا ئۆلا رەسەن یا ل هەفتیا بۆری هاتیە بەلاڤکرن ب هەلکەفتا جەژنا سەرێ سالا ئێزدیان،رۆلێ به‌رێز شێخ شامۆ بۆ پشته‌ڤانى و پاراستنا چاند و هۆنەرا مللەتێ مە بلند د نرخینم”.
ژلايێ خۆڤه هەلبەستڤان”رەشۆ عەیشان” بۆ کەنالێ سەما راگه‌هاند:”زۆر سوپاسیا بنگەهێ لالش و رێزدار شێخ شامۆ دکەم بۆ پێشوازیا ل مە کری و خەلاتکرین و خۆ ل کلیپا ئۆلا رەسەن کریە خودان و ڤێ خەلاتی دکەمە دیاری بۆ هەموو ئێزدیان و کوردستانێ و مرۆڤایەتیێ،ته‌كه‌زكر پەیڤێن هەلبەستا “ئۆلا رەسەن”ل سالا 2016 نڤیسا بوو ب ناڤەرۆکەکا تژی ژ میتۆلۆژی و خۆراگریا ئێزدیان ، هەر ل هەمان سال لبەربوو بکەینە کلیپ،لێ ژ نەبوونا سپۆنسەران گیرۆ بوو تا ئيسال بنگەهێ لالش خۆ ل مە و بەرهەمێ کریە خودان”.
تُتاح هذه الصورة أيضا في: کوردی
