بنگه‌هێ لالش:ئه‌م ب دله‌كی شكه‌ستی و كۆڤان جه‌ژنا خۆ دگێرین و قورتالبوونا مه دكوردستانه‌كا بهێز و گه‌ش دایه
جه‌ژنا رۆژیێن ئێزی بۆ سالا پێنجێ لدوڤ ئێك لسه‌ر مه را ده‌رباز دبت ژبه‌ر هێرشا هۆڤێن داعشێ، و ئه‌م ب دله‌كی شكه‌ستی و كۆڤان جه‌ژنا خۆ دگێرین،هێش ب ده‌هان هه‌زار ژ خه‌لكێ مه دخیڤه‌تان دا دژین،ب ده‌هان هه‌زاران كۆچبه‌ری ده‌رڤه‌ی وه‌لاتی بووینه بۆ په‌یداكرنا ژیانه‌كا باشتر بۆ پێشه‌رۆژا خۆ و زارۆكێن خۆ.
و ئه‌ڤ جه‌ژنا ئازیز لسه‌ر وژدانێ هه‌ر كه‌سانه‌كێ ئێزدی را ده‌رباز دبت،و هێش 2889كه‌سێن ئێزدی دبێ سه‌روشوونن،ژوانا 1309مێنه ژن و زارۆك و 1580نێر زارۆك و زه‌لام و تشته‌كی ژ وانا نزانین ل بیرا مه بێت،ژبلی بێزاربوونا مه كو هه‌تا هه‌تایێ ژده‌ست بده‌ین.
ئه‌م وه‌ك كوردێن ئێزدی،مه دڤێت بیردانكا جیهانێ ب هه‌ژینن،و ده‌رگه‌هێ هه‌موو گه‌لێن خودان شارستانیه‌ت ب قوتین،هیڤیخوان جینۆسایدا ئێزدیا ل پێش چاڤێ وان بت،و ئه‌م دووپات دكه‌ین كو كاریگه‌ریا ده‌ست بسه‌رداگرتنا شنگال و بزاڤێن كۆمكوژیا ئێزدیان ب داوی نه‌هاتیه، و ل نێزیك ب داوی نائێت،دووپات دكه‌ین كو جڤاكێ ئێزدی پێتڤی ب هاریكاری و پشته‌ڤانیێ یه ل هه‌موو ئاستان،و ئه‌م كه‌یفخۆش نابین هه‌تا هه‌موو گرتیێن ئێزدی ڤه‌دگه‌رنه ناڤ كه‌س و كارێن خۆ ڤه، و هه‌موو ئاواره ڤه‌گه‌رنه سه‌ر جیێن خۆ ڤه ب هه‌ماهه‌نگی لگه‌ل سه‌ركردایه‌تیا هه‌رێما كوردستانێ.
سهرهرای وان هه‌موو و سهرهرای ئه‌و چه‌ندا هاتی سه‌رێ مه ژ وێرانكرن و كاره‌ساتا ئه‌م گرێدایی هیڤی و ئاواتێن خۆنه مینا باب و كالێن خۆ،و دوپات دكه‌ین قورتالكرنا مه دكورستانه‌كا ب هێز و گه‌شه دایه و تێدا دادپه‌روه‌ری و ئازادی و وه‌كهه‌ڤی و ته‌ناهی،و ئه‌م هه‌ست بڤێ چه‌ندێ دكه‌ین ب شێوه‌یه‌‌كی رۆن و ئاشكه‌را درێبازا سیاسی یا سه‌رۆكاتیا هه‌رێمێ و سه‌رۆكاتیا حكوومه‌تا وێ دا،و ب راسپارده‌یێن حكمه‌تا سه‌رۆك بارزانی.
هه‌رسال جه‌ژنا خه‌لكێ مه ل وه‌لاتی و ژ ده‌رڤه‌ی وه‌لاتی ب خێر و خۆشی به
هه‌رسال كوردستان بخێر و شادی به
دلۆڤانی بۆ جانگۆریێن مه یێن سه‌ربه‌رز و دلۆڤانی بۆ جانگۆریێن پێشمه‌رگه‌یێن قاره‌مان
ده‌سته‌یا بلندا بنگه‌هێ لالش یێ ره‌وشه‌نبیری و كۆمه‌لایه‌تی/دهۆك
18/12/2019
تُتاح هذه الصورة أيضا في: کوردی
