رێڤەبەرێ كەمپا شاریا:هێلا كارەبا گشتی ل كەمپێ دێ ئێتە جوداكرن و نووژەنكرن
تۆرا لالش یا راگەهاندنێ
رێڤەبەرێ كەمپا شاریادیاركر،رێكخراوا( PWG)یا یابانی ڤەدیتن لسەر كارەبا گشتی یا كەمپێ كریە،هێلا كارەبێ دێ ئێتە نووژەنكرن و جوداكرن ژ هێلێن دی و خشتەیێ پێدانا كارەبێ دێ گهۆرت و باشتر بت.
(هەكار ئەمین) بۆ رۆژناما دەنگێ لالش خویاكر،كارەبا كەمپێ ژئالیێ رێكخراوا( AFAD)یا توركی ڤە هاتیە دروستكرن وەكو هێل دانایە و ڤێ هێلێ تایبەتمەندیا خۆ یا هەی دبن ئەردی دا و هەكە دبن ئەردی دا بت دڤێت ئامیرە هەبن،ب مخابنی ڤە رێكخراوێ ئەو ئامیرە نەئیناینە هەكە جیەكی شۆرتەك یان ژی خراپ بوو یان تێل هاتنە سۆتن دكارن ب رێیا ئامیرێن ئاشكەراكرنێ كو ئاریشە دكێدەرێ دایە،لێ ئەو ئامیرە ل كوردستانێ گەلەك دكێمن و ل دهۆكێ ئێك ئامیرێ وەسان یی هەی،هەروەسا كارەب یا جوداكری نینە ژبەر هەكە كارەبا كەمپێ هات یا كۆمەلگەهێ ژی دێ ئێت و ب هەمان شێوە پێكڤە دچت،پتر ژ (120) ئەمپێرێن كارەبێ بۆ كەمپێ دئێن ،هەر كەرتەكی (25) هەتا (30) ئەمپێرا ژێرا دچت، رێكخراوێ سركێت وەسان ئێخستینە و هەر خیڤەتەكێ قاعیدەك یا هەی سركێت دناڤ دانە ئەو قاعیدە ژی مە نینن،هەیڤانە ئێك ئەمپێر دسۆژت ژبەر فشارێ ئاگر پێ دكەڤت وەختێ دسۆژت چ تشت نینە جیێ وی بگرت و ئەو قاعیدە ل ناڤ بازارێ دهۆكێ دا نینن،ئەم ناچارن وەختێ دسۆژن گەلەك جاران راستەوخۆ بكەین یان سركێتا لسەر كیسێ خۆ بكرین و گۆت:(( رێكخراوا( PWG)یا یابانی ڤەدیتن لسەر كارەبا گشتی یا كەمپێ كریە،دێ هندەك بۆردان زێدە كت و هێلا كارەبێ نووژەن كت و جودا كت ژ یێن دیتر،لەوا رەوشا كارەبا دێ باشتر بت و خشتەیێ پێدانا كارەبێ دێ ئێتە گهۆرین)).
ناڤهاتی ئاماژە ب وێ چەندێ دا ئەگەر ئاریشەیەك دهێلا ئاڤێ دا یان كارەبێ دا چێبوو ئەو ئاریشە زوو ب زوو چارەسەر نابت،بۆ نموونە مەنهۆل یێن هەین ئەو مەنهۆلە هەكە ئەردەك خەتمی چ تشت نینن وی ئەردی پاقژ كن ئامیرێن پالدانێ نەئیناینە و ئەو ئامیرە دتایبەتن ،دیسان ئاریشا دكەمپا شاریا دا هەی جێوازیا خۆ یا هەی دگەل كەمپێن دی كارەبا وان یا سەر ئەردە و ئەندازیارێن كوردستانێ یێن چێكرین ،ئەڤانە بۆردا یێن هەین دناڤ كەمپێ دا ئەڤ بۆردە كابینەكە دێ ڤەكەی دكارن بەرنامە بكەین( CD )یێن وی بەرنامەی نەماینە ئەڤە دڤێت ژ (6) هەتا (7) هەیڤان دەست نیشان بكەی و( CD )نینن واتە دەست نیشان نەبوو ئەو پرۆگرامێ كەڤن نا خوونت،گەلەك جیا ڤۆلت یێ كێمە و ل هندەكا یێ بلندە،چارە دڤێت ئەو شارەزا بێن چێكن ئەو شارەزا ژی نائێن چەندین جارا بۆردا كاروبارێن مرۆڤایەتی ل پارێزگەها دهۆكێ داخواز ژ ریكخراوا( AFAF)یا توركی كریە هند جارا بۆ خیڤەتا و هەم بۆ سەخبێركرنا ئاڤێ و كارەبێ هەتا نهۆ نەهاتینە كەمپێ.
تُتاح هذه الصورة أيضا في: کوردی
