36 كەسێن ئێزدی ژدەستێن داعش هاتنە رزگاركرن
باسنيوز:
رێڤەبەرێ نڤیسینگەها رزگاركرنا رەڤاندیێن ئێزدی، دیاركر: “36 كەسێن ئێزدی ژ دەستێن رێكخراوا تیرۆرستێن داعش هاتنە رزگاركرن ل شەڤا بۆری پتریا وان خەلكی تل بتات بوون ل دەڤەرا شنگال هەموو بسلامەت بوون وگەهشتنە قەزا شنگال”.
حسین قائێدی، رێڤەبەرێ نڤیسینگەها رزگاركرنا رەڤاندیێن ئێزدی، بۆ (باسنیوز) دیاركر:” ل سەر دەمێ حكومەتا مالێكی هاتبوونە رەڤاندن ئەڤە سێ سالن دەستێن تیرۆرستێن داعشێ دا ل شەڤا بۆری ب هەڤكاریا پێشمەرگەی كوردستانێ و دەزگەهێن ئەمنی ل دهۆكێ مە شیا 36 كەسان رزگاربكەین ژوانا ژێ زارۆك وژنن ب دیتنا كەس وكارین خوە شادبوون”.
رێڤەبەرێ نڤیسینگەها رزگاركرنا رەڤاندیێن ئێزدی، گۆت:” هەتا نوكە نێزیكی 2900 كەسێن ئێزدی ژ دەستێن تیرۆرستان هاتینە رزگاركرن ب پشتەڤانیا نڤیسینگەها سەرۆكێ حكومەتا هەرێما كوردستانێ و هەولدان بەردەەوام دهێنە كرن بۆ رزگاركرنا هەموو رەڤاندیان”.
قاسم شەشو، فەرماندی فەرماندیا شنگال یا پێشمەرگەی كوردستانێ، بۆ(باسنیوز) دیاركر:” ل شەڤا بۆری 36 كەسێن ئێزدی ژوانا زارۆك وژنن گەهشتنە فەرماندا شنگال ب گەرمی هاتنە پێشوازیكرن ژلایێ كەس وكار وخەلكێ شنگال ڤە گەنژین و خوشیەكا مەزن بۆ كەس وكارین رەڤاندیان دروستبوو دەمێ دیتی زارۆك وخوشك و دایكین مە دساخن بسلامەتی گەهشتن ژ دەستێن هوڤانێن تیرۆرستان رزگاربوون”.
قاسم شەشو، خۆیا ژی كر:” پتریا كەسێن شەڤا بۆری هاتینە رزگاركرن خەلكی تل بنات بوون ل دەڤەرا شنگال ل دەڤەرەكا دەردورێن مووسل هاتنە رزگاركرن ب هەڤكاریا نڤیسینگەها رزگاركرنا رەڤاندیێن ئێزدی.”
تُتاح هذه الصورة أيضا في: کوردی
