بەیانناما رێکخراوا داک ب هەلکەفتا بیره‌وەريیا دووێ یا کارەساتا شنگالێ
رێکخراوا داک یا گەشەپێدانا ژنا ئێزدی
ئەڤە دوو سال دەرباز بوون لسەر کا
رەساتا شنگالێ هێشتا دەیک ل هیڤیا کورێت خۆیە وهێشتا زارۆک ل هیڤیا زارۆکێ خۆیە وهێشتا گەلەک ئاواتێن ئێزدیان ماینە دالقاندی ،دووسال بۆرین لسەر شین وخەمداریێ و پشتی هێرشا رێکخراوا دەولەتا ئێسلامی یا هۆڤانە لسەر خەلکێ مەیێ بێ گونە وسڤیل ل دەڤەرێت شنگال و گوندێت سەرب وێڤە کو هەمی هێمایێت جوان وژناڤبرنا شارستانیا مرووڤایەتی ،کوشتن ڕەڤاندن گیان ستاندن ،پیروکال ژی قورتال نەبوون ژ هێرشا وان یا هۆڤانە هەر ئێکی گرتین وهەروەسا گەنج سەرژێکرن و ب شێوەکی دڕندانە رەفتار دگەل ژنێت ئێزدی کرن وفرۆتن ل بازاران وب نرخێت ئەرزان ل عیراق وسووریا،وب رەنگەکی کرێت وکێم وێنە هاتنە بکارهاتن ،زێدەباری سەپاندنا دینێ ئیسلامی لسەر وان ب زۆری و شەرمەزارکرنا وان،و زارۆک کرنە چەکدار ب زۆری وبرنە سەربازگەهان ،رێکخراوا دەولەتا ئێسلامی هەر ئاوایەکی دڕندانە هەبە بکارئینان کو پتر ژ شەش هەزار کەسی رەڤاندن ژوان ژن وزارۆک وهەتا نهۆ پتر ژ 2600 هاتینە رزگارکرن ژوان ژن وزارۆک و زەلام و یێن ماین هێشتا دنالن ل زیندانیت کولەتیێ و شەرمەزاریێ زێدەباری دیتنا پتر ژ 30 گۆرێن ب کۆم یێن بێ گۆنەهان ژ زەلام وپیروکال وزارۆکان.
بناڤێ رێکخراوا داک بێدەنگیا نێڤ دەولەتی لبەرامبەر گرتیا رەسوا دکەین ژبلی هەمی کار وپشتەڤانیا هاتی کرن ژلایێ لایەنێت حکومی ونەحکومی و رێکخراوێن نێڤ دەولەتی کو بارەدۆخێ ئاوارەێن ئێزدی ئیرۆ تێدا بارەدۆخەکی سەخت و دژوارە لناڤ کەمپادا بتایبەتی ئەو ژنێت رزگاربووین کو دنالن ژ کاودانێت نەخۆش و گەلەک ئازاری ،ژ کارێ مەیێ خۆبەخش ژبۆ خزمەتا دۆزا مە دنگێ خۆ دگەهینینە جڤاکێ نافخۆی ونێڤ دەولەتی ژبۆ دابینکرنا ڤان داخوازێت لخوارێ؛
1ـ هەولدانا ئێخستنا فشارێ لسەر جڤاکێ نێڤ دەولەتی ژبۆ دانپێدانێ ب جینۆسایدا کارەساتا شنگالێ .
2ـ ئازادکرنا دەڤەرێت ماین ژ شنگالێ و ودابینکرنا خزمەت وئەولەهیێ ژبۆ زڤراندنا ئاوارەیا.
3 ـ دابینکرنا جهەکی تەنا بۆ ژنێت رزگاربووی کو لایقی وانبیت ژبەر وێ چەند بسەرێ وان هاتی ل زیندانێت داعش.
1ـقەرەبووکرنا زیان ڤێکەفتیا ب مادی بتایبەتی رزگاربوویا ودەسنشینکرنا مووچەکی هەیڤانە بۆ وان.
5ـ ئامادەکرنا زیان ڤێکەتیا ژ رزگاربووین ژن و زەلام ژلایێ دەروونی ڤە وڤەکرنا بنگەهەکی بۆ چارەسەریا وان.
6 ـکارکرن بۆ بەشداریکرنا ژنا ئێزدی دهەمی بیاڤا و بتایبەتی رزگاربوویا ژبۆ بەشداریکرنێ د بڕیارێت گرنگ دا یێن گرێدای کەتوارێ ژنێ.
7ـدادگەهکرنا تاوانبارێت کو دەست هەین دکوشتن ودەست درێژیێ لسەر ژنێت ئێزدی و رادەست کرنا وان بۆ دادگەهێت نێڤ دەولەتی .
تُتاح هذه الصورة أيضا في: کوردی
