تشرینی دووه‌م 26, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

چنار شمو قاسم:باشی و خرابیێن چاڤلێكرنێ‌!!

باشی و خرابیێن چاڤلێكرنێ‌!!
چنار شمو قاسم
چاڤلێكرن ئێكە ژ رێیێن فێربوونێ‌ بۆ زارۆكی و هەر ژ قۆناغا دەست پێكێ‌ هەول ددەت دەوروبەرێ‌ خۆ ناس بكت و شلۆڤە بكت،لەوما دێ‌ گەلەك جارا بەرێ‌ خۆدەیە زارۆكی وێ‌ كارەكی دكت چاڤ ل مەزنا دكت بەری هنگێ‌ مەزنا ئەو كار یێ‌ لبەر زارۆكی ئەنجام دایی ئەڤ كار باش بت یان خراب،ل ڤێدەرێ‌ دێ‌ هندەك جۆرێن چاڤلێكرنێ‌ بینن ژ وانا ژی دەمێ‌ مرۆڤ چاڤ ل باشی و پێنگاڤێ‌ سەركەفتی یێن دەوروبەرێ‌ خۆ دكت ئەڤ چاڤلێكرن یا باشە و مفایێن خۆ هەنە دبتە ئەگەرێ‌ هندێ‌ مرۆڤ بتر كاربكت بۆ سەركەفتنێ‌ دژیانێ‌ دا،جۆرەكی دی یێ‌ چاڤلێكرنێ‌ دەمێ‌ مرۆڤ چاڤ ل شاشی و خرابیێ‌ خەلكێ‌ دكت ب تایبەتی ئەڤ جۆرە لناڤ تەخا سنێلەیان دا گەلەك یە بەربەلاڤە وەك جگارا كێشان و هێلانا قوتابخانێ‌ وسەرەدانا جیێ‌ قومارێ‌،ئەڤ چەندە كارتیكرنەكا خراب لسەر پاشەرۆژا وان كەسان دروست دكت هەروەسا دبتە ئەگەرێ‌ هندێ‌ ئەو كەسە تووشی ئاریشێن جڤاكی و دەروونی و ئابووری ببن دبنە ئەگەرێ‌ پەیداكرنا نەخۆشیا بۆ خێزانا وی،هەروەسا چاڤلێكرنا نەئاسایی كەسایەتیا خودانی دكوژت وبێ‌ بها دكت چنكو دەمێ‌ مرۆڤ چاڤ ل كەسەكی دی بكت مرۆڤ كەسایەتیا خۆ ژ دەست ددەت و ژ بیردكت،ئەڤ جۆرە لناڤ گەنجا خویا دبت دەمێ‌ چاڤ ل ستێرێن جیهانی یێن ناڤدار دكن وەك وەرزشڤان وهۆنەرمەندێ‌ ناڤدار و فلما،بەلێ‌ هندەك ئەگەرێن چاڤلێكرنێ‌ هەنە وەك لاوازیا كەسایەتی و نەبوونا باوەریێ‌ بهێز و شیانێ‌ خۆ،هەروەسا كارتێكرن و گڤاشتنا زانستی و تەكنەلۆژیا لسەر خەلكی،دیسان نەبوونا شیانێ‌ دراڤی لبا مرۆڤ كو هەرتشتێ‌ بڤێت بدەستڤەبینت،هەروەسا ل بوارێ‌ ئابوری دا چاڤلێكرن دبتە ئەگەرێ‌ مشەبوون و بەلاڤەبوونا گەلەك پرۆژا و كارێن بازرگانی و پێشەسازی كو خزمەتا بارێ‌ مە یێ‌ ئابووری ناكن،باشترین چارەسەری ژبۆ چاڤلیكرنێ‌ ئەوە كو دڤێت دەیك وباب ب دلسۆزانە و پەروەردەكا باش فێری زارۆكی خۆ بكت و هەول بدەت خۆ ل ئاریشێن وان بكن خودان و پێتڤێن وان دابین بكن توندوتیژیا لەشی و دەروونی بكارنەئینن،هەروەسا فێری هندێ‌ بكن چاوا خۆ پێشبێخن و كەسایەتیا خۆ ئاڤا بكن،هەردیسان دڤێت ل قوتابخانێ‌ مامۆستا قوتابیان هان بدەت پشت بەستنێ‌ لسەر خۆ بكن و خۆ قەبوول بكن ببت كەسەكی خودان باوەری وئارمانج،دیسان راگەهاندنێ‌ رۆلەكی باش هەبت ب رێیا پرۆگرامێن خۆ خەلكێ‌ ئاراستە بكت داكو بتر باوەری بخۆ هەبن و بكارن بدروستی هێز و شیانێ‌ بكاربینن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.